سانكسيالار ە ا ە و ەلدەرىنىڭ ەكونوميكاسىنا قىسىم كورسەتىپ جاتقانىن مويىنداۋ كەرەك - توقايەۆ
«بارىمىزگە بەلگىلى سانكسيا شەكتەۋلەرى ەۋرازيالىق ەكونومكالىق وداققا مۇشە ەلدەردىڭ ءبارىنىڭ ەكونوميكاسىنا قىسىم كورسەتىپ جاتقانىن مويىنداۋ كەرەك. سوندىقتان، بىزدىڭشە، كوميسسيا مەن ەلدەرىمىزدىڭ ۇكىمەتتەرىنە وسى ماسەلەگە ايرىقشا نازار اۋدارىپ، وسىناۋ سانكسيا شەكتەۋلەرىنىڭ اسەرىن باسەڭدەتۋ جولدارىن ۇسىنۋ قاجەت»، - دەدى قاسىم- جومارت توقايەۆ.
سونداي- اق، پرەزيدەنت قازاقستاننىڭ باستاماسى بويىنشا قۇرىلعان جوعارى ارەكەت ەتۋ توبىنىڭ جۇمىسىن ءتيىمدى دەپ باعالادى.
«ءبىراق وعان ۇلتتىق ايادان جوعارى اسپەكتىلەر جەتىسپەيدى. بۇل جۇمىسقا القا مۇشەسى رەتىندەگى كوميسسيا باسشىلىق ەتۋ كەرەك دەپ ەسەپتەيمىن. ارينە، جۇمىس بارىسىندا كوميسسيا مانداتىن باسشىلىققا الىپ، حالىقارالىق اسپەكتىلەردى ەسكەرۋ كەرەك»، - دەدى مەملەكەت باسشىسى.
ايتا كەتەيىك، مەملەكەت باسشىسى بىشكەتە جوعارى ەۋرازيالىق ەكونوميكالىق كەڭەستىڭ وتىرىسىنا قاتىسىپ جاتىر. وداققا مۇشە ەلدەردىڭ باسىشلارى قازىر شاعىن قۇراممەن وتىرىس وتكىزۋدە.
بۇعان دەيىن پرەزيدەنت قاسىم- جومارت توقايەۆتىڭ جوعارى ەۋرازيالىق ەكونوميكالىق كەڭەسىنىڭ وتىرىسىنا قاتىسۋ ءۇشىن بىشكەك قالاسىنا جۇمىس ساپارىمەن بارعانى حابارلانعان ەدى.