مەملەكەت باسشىسى: ە ا ە و ەلدەرىندە تۇتىنۋ باعالارى ءوسىپ بارادى

استانا. قازاقپارات - جوعارى ەۋرازيالىق ەكونوميكالىق كەڭەستىڭ بىشكەكتەگى وتىرىسىندا ق ر پرەزيدەنتى قاسىم- جومارت توقايەۆ ە ا ە و - نىڭ ءوز ىشىندە ينفلياتسيانىڭ ارتىپ تۇرعانىنا الاڭداۋشىلىق ءبىلدىردى، دەپ حابارلايدى قازاقپارات ءتىلشىسى.

«وداق اياسىندا اۋقىمدى بىرلەسكەن جوبالار ىسكە اسىرىلىپ جاتىر، ءوزارا ەسەپ ايىرىسۋداعى ۇلتتىق ۆاليۋتالاردىڭ ۇلەسى ارتىپ كەلەدى. مۇنداي جاعىمدى ديناميكا ءوزارا ارەكەتتەردىڭ جوعارى دەڭگەيىن جانە ينتەگراتسيالىق ارىپتەستىڭ ەلەۋلى الەۋەتى بار ەكەنىن ايقىن ايگىلەيدى.

قازىرگى گەوساياسي تۋربۋلەنتتىلىك جاعدايىندا بىزگە ەكونوميكالىق بايلانىستاردى ساقتاۋ جانە نىعايتۋ، ساۋدا- ەكونوميكالىق كووپەراتسيانى وداق قاعديداتتارىمەن ماقساتتارىنىڭ اياسىندا دامىتۋعا كۇش بىرىكتىرۋ وتە ماڭىزدى»، - دەدى پرەزيدەنت.

مەملەكەت باسشىسىنىڭ پايىمىنشا، وداق ەلدەرىنە بىرنەشە باسىم ماسەلەگە نازاردى كوبىرەك اۋدارۋ كەرەك.

«ءبىرىنشى ماسەلە - الەمدىك ينفلياتسيانىڭ ەلدەرىمىزدىڭ ەكونوميكاسىنا كەرى ىقپالىن بارىنشا ازايتۋ. حالىقارالىق ۇيىمداردىڭ بولجامى كوڭىل كونشىتپەيدى. 2023 -جىلعى الەمدىك ەكونوميكانىڭ ءوسىمى تۋرالى بولجامدى حالىقارالىق ۆاليۋتا قورى 2,7 پايىزعا دەيىن، دۇنيەجۇزىلىك ساۋدا ۇيىمى 2 پايىزعا دەيىن ءتۇسىردى. ەۋرازيالىق ەكونوميكالىق كوميسسيانىڭ مالىمەتى بويىنشا، ەاەو ەلدەرىندە تۇتىنۋ باعالارىنىڭ ءوسىمى جالعاسۋدا. وداق اياسىنداعى ينفلياتسيا قازان ايىندا 11,5 پايىز بولدى. ءوسىمنىڭ نەگىزگى ۇلەسى تۇتىنۋشىلىق جانە تۇتىنۋشىلىق ەمەس تاۋارلارعا كەلىپ وتىر»، - دەدى قاسىم- جومارت توقايەۆ.