جانقوش تۇراروۆتىڭ قارسىلاسى قازاقستانعا ۇشىپ كەلدى
8 جەلتوقسان, 21:58

جانقوش تۇراروۆتىڭ قارسىلاسى قازاقستانعا ۇشىپ كەلدى

الماتى. قازاقپارات- جانقوش تۇراروۆتى تيتۋلدىق جەكپە-جەكتە تىزە بۇكتىرىپ، بەلبەۋدى الىپ كەتەم دەپ سەنىمدىلىك تانىتقان ليۋس ەنريكە قازاقستانعا ۇشىپ كەلدى، دەپ حابارلايدى قازاقپارات ءتىلشىسى.

اۋەجايدان كۇتىپ العان MOVIDA Promotions وكىلدەرىنىڭ ايتۋىنشا، يسپانيالىق بوكسشى كوڭىلدى كورىنەدى.

ايقاسقا ساقاداي سايمىن ءارى ءوز جەڭىسىمە سەنىمدىمىن دەپ قىسقا جاۋاپ قايىردى لۋيس ەنريكە.

11- جەلتوقسان كۇنى كاسىپقوي بوكس شوۋىنىڭ باستى جەكپە-جەگى جەڭىلىپ كورمەگەن جانقوش تۇراروۆ (25-0، 18 ك و) پەن ازۋلى يسپانيالىق لۋيس ەنريكە رومەرو (11-5-1، 7 ك و) اراسىندا وتەدى. قاۋىپتى ءارى اسا تارتىستى بولاتىن بۇل ايقاستا IBO Intercontinental چەمپيوندىق تيتۋلى باسكە تىگىلگەن.

لۋيس ەنريكە ءوزىنىڭ DAZN اياسىندا وتكەن سوڭعى جەكپە-جەگىندە مىقتى رۋمىندىق رينگ شەبەرىن نوكاۋتپەن جەڭىپ، الەمدىك Boxrec رەيتينگىندەگى توپ-60 بوكسشىنىڭ قاتارىنا كىردى.

كاسىپقوي بوكس كەشىن، ايگىلى DAZN ستريمينگتىك سەرۆيسى تىكەلەي ترانسلياتسيادا جاھاننىڭ 100 ميلليون اۋديتورياسىنا تاراتپاقشى. بۇل ەل سپورتى تاريحىنداعى ەلەۋلى وقيعانىڭ ءبىرى ءارى بەدەلدى سپورت پلاتفورماسىنىڭ ەلىمىزدەگى العاشقى ەفيرى.

جانكۇيەرلەر بوكس كەشىندە ەلحان تابىنبايەۆ (5-0، 3 ك و) پەن برازيليالىق ماتەۋس دا سيلۆامەن (7-0، 3 كو) جۇدىرىقتاسادى.

انگەلينا لۋكاس (2-0، 1 KO) وسى كەشتە تانزانيالىق مىنەزدى قىز لۋلۋ كاياگەمەن (8-8-4، 2 ك و) UBO چەمپيوندىق تيتتۋلىن ساراپقا سالادى.

بۇل بوكس كەشىنىڭ تورىندە ءاليحان تولەنبايەۆ (2-0، 1 ك و) پەن ادلان سەلمۋرزايەۆ (4-0، 3 كو) سەكىلدى قىلىشتاي جارقىلداعان جاستارىمىز دا ونەرىن كورسەتەدى.

بۇعان دەيىن 11- جەلتوقسان كۇنى قازاقستاندىق بوكسشىلار الماتىدا تيتۋلدىق جەكپە-جەك وتكىزەتىنى تۋرالى حابارلاعان بولاتىنبىز.

بوكس كەشى «الماتى ارەنا» سپورت كەشەنىندە وتەدى.

جاڭالىقتار