ەكىباستۇزدا توتەنشە جاعداي رەجيمى الىندى
8 جەلتوقسان, 20:41

ەكىباستۇزدا توتەنشە جاعداي رەجيمى الىندى

ەكىباستۇز. قازاقپارات - پاۆلودار وبلىسىنىڭ ەكىباستۇز قالاسىندا 28- قارشادا ەنگىزىلگەن توتەنشە جاعداي رەجيمى الىندى، دەپ حابارلايدى قازاقپارات قالا اكىمدىگىنە سىلتەمە جاساپ.

ەكىباستۇز اكىمدىگىنىڭ حابارلاۋىنشا، 2022 -جىلعى 8- جەلتوقساندا ەكىباستۇز قالاسىنىڭ اكىمى جەرگىلىكتى اۋقىمداعى تەحنوگەندىك سيپاتتاعى ت ج رەجيمىنىڭ كۇشىن جويۋ تۋرالى شەشىم قابىلدادى.

بۇعان دەيىن ت ج رەجيمى ەكىباستۇز قالاسى اكىمىنىڭ اعىمداعى جىلعى 28- قاراشاداعى 3№ شەشىمى نەگىزىندە ەنگىزىلگەن بولاتىن.

ت ج جويۋ ءۇشىن جەرگىلىكتى اتقارۋشى ورگاننىڭ اكىمشىلىك رەسۋرسى عانا ەمەس، ازاماتتار، كاسىپكەرلىك سۋبەكتىلەرى، كاسىپورىندار مەن ەرىكتىلەر دە تارتىلدى.

بارلىق كوپپاتەرلى تۇرعىن ۇيلەر جىلۋمەن قامتاماسىز ەتىلگەن.

سونىمەن قاتار، كوپپاتەرلى جانە جەكە جەر ۇيلەردە گيدراۆليكالىق رەجيمدى قالپىنا كەلتىرۋ بويىنشا رەتتەۋ جۇمىستارى جالعاساتىن بولادى. ساتبايەۆ، 8 جانە ءماشھۇر ءجۇسىپ 52 كوشەلەرىندەگى ۇيلەردىڭ 7 كورپۋسىندا سۋ مەن كارىزدى قالپىنا كەلتىرۋ جۇمىستارى جۇرگىزىلۋدە.

جەكە سەكتوردىڭ جىلۋمەن جابدىقتاۋ جۇيەلەرىن قالپىنا كەلتىرۋ جۇمىستارى جالعاسۋدا. ورتالىق جىلۋمەن جابدىقتاۋعا قوسىلماعان تاعى 40 جەر ءۇي بار.

8 بريگادانىڭ كۇشىمەن قالانىڭ جىلۋ تراسسالارىنداعى ۇساق اقاۋلار مەن زاقىمداردى جويۋ جۇمىستارى اتقارىلۋدا.

ماگيسترالدىق جانە ورامىشىلىك جەلىلەردەگى تەمپەراتۋرالىق پارامەترلەردى تەڭەستىرۋ جانە رەتتەۋ جۇمىستارى جالعاسۋدا.

تۇرعىندار جىلۋمەن جابدىقتاۋ ماسەلەلەرىمەن «ەكىباستۇز تەپلوەنەرگو» ج ش س اپاتتىق قىزمەتىنە تاۋلىك بويى جۇگىنە الادى.

ءۇي-جايلاردا قاجەتتى تەمپەراتۋرالىق رەجيم بەلگىلەنگەننەن كەيىن مەكتەپتەر مەن بالاباقشالاردىڭ جۇمىسىن شتاتتىق رەجيمدە قايتا باستاۋ جوسپارلانۋدا.

ت ج- دان زالال العان ازاماتتاردىڭ وتىنىشتەرىن قابىلداۋ جالعاسۋدا. وتىنىشتەر تىركەلگەننەن كەيىن ودان ءارى وتەۋ ءۇشىن زالالدى ايقىنداي وتىرىپ، تۇرعىن ءۇيدى كوميسسيالىق تەكسەرۋ جۇرگىزىلەدى.

ت ج ايماعىندا زارداپ شەككەن ازاماتتاردىڭ زالالىن وتەۋ «ەكىباستۇز تەپلوەنەرگو» ج ش س ەسەبىنەن جۇرگىزىلەدى.

جىلۋسىز قالعان ۇيلەر قاراشا جانە جەلتوقسان ايلارىنا جىلۋمەن جابدىقتاۋ قىزمەتتەرى ءۇشىن اقى تولەۋدەن بوساتىلادى، قالعان جاعدايلاردا - قايتا ەسەپتەۋ جۇرگىزىلەدى.

ت ج رەجيمى كەزىندە تۇتىنىلعان ەلەكتر ەنەرگياسىنىڭ قىزمەتتەرىن قايتا ەسەپتەۋ ماسەلەلەرى قاراستىرىلۋدا. شەشىم قابىلدانعان سوڭ، قورىتىندىسى بويىنشا اقپارات قوسىمشا جەتكىزىلەتىن بولادى.

ەسكە سالايىق، 27- قاراشادا ەكىباستۇز جىلۋ ەلەكتر ورتالىعىندا اپات بولىپ، قالا تۇرعىندارى جىلۋسىز قالدى.

كەيىن جىلۋ قازاندىعىنىڭ ىستەن شىعۋىنا بايلانىستى وبلىس اكىمى باستاعان جەدەل شتاب قۇرىلدى.

ەكىباستۇز قالاسىنىڭ وقۋشىلارى ونلاين وقۋعا كوشىرىلدى.

28- قاراشا كۇنى تاڭەرتەڭ قالادا جەرگىلىكتى اۋقىمداعى توتەنشە جاعداي جاريالاندى.

30- قاراشادا ەكىباستۇزعا پرەمەر-مينيستر ءاليحان سمايىلوۆ بارىپ، كىنالىلەر جاۋاپقا تارتىلاتىنىن ايتتى.

اپات سەبەبى رەتىندە جىلۋ جەلىلەرىنىڭ توزۋى، جىلۋ ورتالىعى باسشىلىعىنىڭ نەمقۇرايلىلىعى مەن ينۆەستيتسيالاردىڭ جەتكىلىكسىزدىگى اتالدى.

مەملەكەت باسشىسىنىڭ تاپسىرماسى بويىنشا پرەمەر-ءمينيستردىڭ ءبىرىنشى ورىنباسارى رومان سكليار قالالىق جىلۋ جەلىلەرىندەگى اپاتتىڭ سالدارىن جويۋ جونىندەگى جۇمىستار اياقتالعانشا ەكىباستۇزدا بولاتىنى حابارلاندى.

بۇگىن رومان سكليار تەلەفون ارقىلى ۇكىمەت باسشىسى ءاليحان سمايىلوۆقا قالالىق جىلۋ جەلىلەرىندەگى اپاتتىڭ زارداپتارىن جويۋ بارىسى تۋرالى باياندادى.

ال، بۇگىن پرەزيدەنت قاسىم-جومارت توقايەۆ ەكىباستۇزداعى جوندەۋ جۇمىستارىنىڭ بارىسى تۋرالى پرەمەر-ءمينيستردىڭ بايانداماسىن تىڭدادى.

وسىعان دەيىن ەكىباستۇزداعى جىلۋ جۇيەسىن جوندەۋ 15- جەلتوقسانعا دەيىن اياقتالاتىنىن حابارلاعان بولاتىنبىز.


جاڭالىقتار