الماتى قالاسى اكىمىنىڭ بۇرىنعى ورىنباسارى جاڭا لاۋازىمعا سايلاندى

الماتى. قازاقپارات - مۇحيت ازىربايەۆ قازاقستاننىڭ قۇرىلىس سالاسى وداعىنىڭ ءتوراعاسى بولىپ سايلاندى، دەپ حابارلايدى قازاقپارات ءتىلشىسى.

وداقتىڭ باسپا ءسوز قىزمەتى تاراتقان مالىمەتكە سايكەس، قازاقستاننىڭ قۇرىلىس سالاسىنىڭ وداعى (ق س و) مۇشەلەرىنىڭ شەشىمىمەن - وداق باسقارماسىنىڭ ءتوراعاسى بولىپ مۇحيت ازىربايەۆ سايلاندى.

«قۇرىلىس يندۋسترياسى وداعى وندىرىستىك كومپانيالاردى، قۇرىلىسشىلاردى، جوبالاۋشىلاردى، ساۋلەتشىلەردى بىرىكتىرەدى. وداق ءوز الدىنا قۇرىلىسشىلاردىڭ كاسىبي قوعامداستىقپەن قارىم-قاتىناسىن شوعىرلاندىرۋ جانە قۇرۋ، جوبالاۋ جانە قۇرىلىس كەزىندە جاڭا تەحنولوگيالاردى ەنگىزۋ، سونداي-اق قۇرىلىس سالاسىن دامىتۋ ستراتەگياسىن ىسكە اسىرۋعا، قۇرىلىس قىزمەتتەرىنىڭ ساپاسىن ارتتىرۋعا جاردەمدەسۋ مىندەتتەرىن قويادى»، - دەلىنگەن حابارلامادا.

ەسكە سالايىق، مۇحيت ازىربايەۆ 2017-جىلدىڭ شىلدەسى مەن 2019-جىلدىڭ ناۋرىزى ارالىعىندا «الماتى الەۋمەتتىك-كاسىپكەرلىك كورپوراتسياسى» باسقارما ءتوراعاسى بولدى،

2019-جىلدىڭ ناۋرىز - ءساۋىرى - الماتى قالاسى كاسىپكەرلىك جانە ينۆەستيتسيالار باسقارماسىنىڭ باسشىسى،

2019 جىلدىڭ 8- ءساۋىرى مەن 2022-جىلدىڭ 21- قىركۇيەگى ارالىعىندا الماتى قالاسى اكىمىنىڭ ورىنباسارى قىزمەتتەرىن اتقارعان. ول الماتى اكىمىنىڭ ورىنباسارى قىزمەتىن اتقارىپ، قۇرىلىس جانە ەنەرگەتيكا ماسەلەلەرىنە جەتەكشىلىك ەتكەن.

ايتا كەتەيىك، بۇعان دەيىن قازاقستاننىڭ قۇرىلىس سالاسى وداعىنانىڭ ءتوراعاسى الماتى قالاسى ءماسليحاتىنىڭ دەپۋتاتى ەرالى ساۋرانبايەۆ بولدى.