استانانىڭ اقىلى تۇراقتارىندا نەگىزسىز تولەم الىنعان
8 جەلتوقسان, 19:06

استانانىڭ اقىلى تۇراقتارىندا نەگىزسىز تولەم الىنعان

استانا. قازاقپارات - استانانىڭ اقىلى تۇراقتارىندا نەگىزسىز تولەم الىنعان. بۇل تۋرالى ق ر سىبايلاس جەمقورلىققا قارسى ءىس- قيمىل اگەنتتىگى پريەۆەنتسيا قىزمەتىنىڭ باسشىسى سايان احمەتجانوۆ ءمالىم ەتتى، دەپ حابارلايدى قازاقپارات ءتىلشىسى.

«ءاربىر وڭىردەگى قىزمەتىمىزدىڭ ماڭىزدى باعىتى - بۇل اقىلى اۆتوموبيل تۇراقتارى. بيىل وڭىرلەردە، ونىڭ ىشىندە «استانا تۇراق كەڭىستىگى» ج ش س- نە مونيتورينگ جاسادىق. ازاماتتىق قوعام مەن استانا قالاسىنىڭ اتقارۋشى ورگاندارىمەن بىرگە جۇرگىزىلگەن مونيتورينگ ناتيجەسىندە قولدانىستاعى زاڭناماعا ساي كەلمەيتىن جانە ازاماتتاردىڭ شەكتەۋسىز توبىنىڭ قۇقىعىن بۇزاتىن ساتتەر انىقتالدى. تولەم نەگىزسى الىنعان جانە دەر ۋاقىتىندا تۇراق اقىسىن تولەمەگەن ازاماتتار اكىمشىلىك جاۋاپكەرشىلىككە تارتىلعان»، - دەدى سايان احمەتجانوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا.

ونىڭ اتاپ وتۋىنشە، اگەنتتىكتىڭ ۇسىنىسى نەگىزىندە جانە ق ر اۋىل شارۋاشىلىعى مينيسترلىگى جەر رەسۋرستارىن باسقارۋ كوميتەتىنىڭ قولداۋىمەن تۇراققا تولەم جاساماعانى ءۇشىن اكىمشىلىك جاۋاپكەرشىلىكتى الىپ تاستاۋ ماسەلەسى قاراستىرىلىپ جاتىر.

جاڭالىقتار