استانا قالاسىنا جاڭا اكىم تاعايىندالدى

استانا. قازاقپارات - جەڭىس قاسىمبەك استانا قالاسىنىڭ اكىمى لاۋازىمىنا تاعايىندالدى، دەپ حابارلايدى اقوردانىڭ باسپا ءسوز قىزمەتى.

«جەڭىس ماحمۇد ۇلى قاسىمبەك استانا قالاسىنىڭ اكىمى لاۋازىمىنا تاعايىندالسىن» دەلىنگەن پرەزيدەنت قول قويعان جارلىقتا.

جەڭىس ماحمۋد ۇلى قاسىمبەك 1975 -جىلى جامبىل وبلىسىندا دۇنيەگە كەلدى. قازاق مەملەكەتتىك ساۋلەت- قۇرىلىس اكادەمياسىن «ساۋلەتشى- ديزاينەر» ماماندىعى بويىنشا اياقتادى. 2001 -جىلى ل. ن. گۋميلەۆ اتىنداعى ەۋرازيا مەملەكەتتىك ۋنيۆەرسيتەتىن «مەملەكەتتىك جانە جەرگىلىكتى باسقارۋ» ماماندىعى بويىنشا اياقتادى.

ەڭبەك جولىن 1997 -جىلى قازاق مەملەكەتتىك ساۋلەت- قۇرىلىس اكادەمياسىندا تاعىلىمگەر- زەرتتەۋشى بولىپ باستاعان. 1998-2000 -جىلدارى ق ر مونوپولياعا قارسى ساياسات جونىندەگى كوميتەتىنىڭ ءبولىمىن باسقاردى. ق ر ك ك م سۋ كولىگى دەپارتامەنتىنىڭ ديرەكتورى بولىپ جۇمىس ىستەگەن. 2004 -جىلدان 2005 -جىلعا دەيىن «اقتاۋ حالىقارالىق تەڭىز ساۋدا پورتى» ر م ك ديرەكتورى بولدى.

2005 -جىلعى قاراشادا ونى كولىك جانە كوممۋنيكاتسيا ۆيتسە- ءمينيسترى ەتىپ تاعايىندادى. سودان كەيىن كولىك جانە كوممۋنيكاتسيا مينيسترلىگىنىڭ جاۋاپتى حاتشىسى بولدى. كەيىنىرەك كولىك جانە كوممۋنيكاتسيا ءمينيسترى قىزمەتىن اتقارعان.

بۇدان كەيىن ينۆەستيتسيالار جانە دامۋ ءمينيسترى، يندۋستريا جانە ينفراقۇرىلىمدىق دامۋ ءمينيسترى بولىپ جۇمىس ىستەدى.

2019 -جىلعى 25-اقپاندا ق ر پرەمەر- ءمينيسترىنىڭ ورىنباسارى بولدى. 2019 -جىلعى 19-قىركۇيەكتە قاراعاندى وبلىسىنىڭ اكىمى بولىپ تاعايىندالدى.