سوڭعى ءبىر ايدا تۇرعىن ءۇي نارىعىنداعى باعا قالاي وزگەردى
اباتتاندىرىلعان تۇرعىن ءۇيدى جالعا الۋ تولەمى وتكەن جىلعى ءتيىستى ايمەن سالىستىرعاندا بيىلعى قاراشادا %48,6 ارتتى، دەپ حابارلايدى ۇلتتىق ستاتيستيكا بيۋروسىنىڭ باسپا ءسوز قىزمەتى.
وڭىرلەر بولىنىسىندە جىلدىق ماندە جاڭا ۇيلەر باعاسى اقتوبە - %30,3، سەمەي - %26,9، اقتاۋ - %25 قالالارىندا قىمباتتادى. قولدانىستاعى پاتەر نارىعى ساۋداسىنداعى باعا ءوسىمى بويىنشا ءتىزىمدى - تالدىقورعان (%44,6)، اقتاۋ (%43,3)، سەمەي (%42,8)، اقتوبە (%42,4)، استانا (%41,7)، قىزىلوردا قالالارى باستاپ تۇر (%41,2)، ال تۇرعىن ءۇيدى جالعا الۋ نارىعىنداعى جوعارى قىمباتتاۋ الماتى (%76,6)، قاراعاندى (%55,7)، قوستاناي قالالارىندا (%54,5) كورىنىس تاپتى.
ءبىر ايدىڭ ىشىندە (2022 -جىلعى قازاننان 2022 -جىلعى قاراشاعا دەيىن) قولدانىستاعى پاتەرلەردى قايتا ساتۋ باعاسى - %1، جاڭا تۇرعىن ءۇيدى ساتۋ %1,2 ءوستى. اباتتاندىرىلعان تۇرعىن ءۇيدى جالعا الۋ تولەمى الدىڭعى ايمەن سالىستىرعاندا قاراشادا %2,4 تومەندەدى.
«ق ر س ج ر ا ۇلتتىق ستاتيستيكا بيۋروسى تۇرعىن ءۇي باعاسى بويىنشا اي سايىن مونيتورينگ جۇرگىزەدى. باعا يندەكستەرى وبلىس ورتالىقتارى مەن استانا، الماتى، شىمكەنت قالالارى بويىنشا ىرىكتەپ بايقاۋ دەرەكتەرى نەگىزىندە قالىپتاستىرىلادى. جاڭا تۇرعىن ۇيلەر بويىنشا اقپاراتتى ءبىز ساتۋ بويىنشا وپەراتسيالار جۇرگىزەتىن قۇرىلىس كومپانيالارىنان جينايمىز، بۇل رەتتە پاتەردىڭ باستاپقى جانە تازا ارلەنگەندەگى باعاسى ەسكەرىلەدى. پاتەرلەردى قايتا ساتۋ جانە جالعا الۋ بويىنشا دەرەكتەر ينتەرنەتتە، بۇقارالىق اقپارات قۇرالدارىندا ورنالاستىرىلاتىن حابارلاندىرۋلار نەگىزىندە جينالادى. باعالاردى ەسەپتەۋ كەزىندە ءبىر، ەكى، ءۇش بولمەلى پاتەرلەر بويىنشا ۇسىنىستار ەسەپكە الىنادى»، - دەيدى ق ر ۇلتتىق ستاتيستيكا بيۋروسىنىڭ باعا ستاتيستيكاسى دەپارتامەنتىنىڭ ديرەكتورى قۋانىشبەك جاقىپبەك ۇلى.