الەمدەگى ەڭ باي ادام رەيتينگىسى ءبىر ساعات ىشىندە ەكى رەت وزگەردى
ەندى ول تىزىمدە LVMH فرانسۋز توبىنىڭ پرەزيدەنتى بەرنار ارنودان كەيىن تۇر. بۇل تۋرالى قازاقپارات BB اقپارات اگەنتتىگىنە سىلتەمە جاساپ حابارلايدى.
سارسەنبى كۇنى ساعات 15:30-16:30 اراسىندا ماسكتىڭ داۋلەتى $185,1-185,8، ال ارنونىكى $185,3-185,7 بولدى. وسى ۋاقىت ىشىندە ارنو ەكى رەت ءبىرىنشى ورىنعا كوتەرىلدى. ماسك Forbes جۋرنالىنداعى ميللياردەرلەر تىزىمىندە العاش رەت 2021 -جىلدىڭ كوكتەمىندە كوش باستاعان. سول كەزدە ونىڭ تازا بايلىعى 219 ميلليارد دوللارعا جەتىپ، Forbes داۋلەتىن 171 ميلليارد دوللارعا باعالاعان Amazon-نىڭ نەگىزىن قالاۋشى دجەفف بەزوستى ارتتا قالدىردى. ول كەزدە فرانسۋز كاسىپكەرى بەرنار ارنو ءۇشىنشى ورىندا بولاتىن. ول العاش رەت 2020 -جىلى ۇزدىك «ۇشتىككە كىردى» - سودان بەرى ارنو وتباسىنىڭ بايلىعى، Forbes مالىمەتىنشە، ەكى ەسەدەن استام ءوستى (76 دان 158 ميلليارد دوللارعا دەيىن).
ماسكتىڭ «قۇلدىراۋى» ميللياردەردىڭ بيىلعى كوكتەمدە Twitter ءدى 44 ميللياردقا ساتىپ الۋ تۋرالى ۇسىنىس جاساعاننان كەيىن Tesla اكسيالارىنىڭ قۇنىنىڭ كۇرت تومەندەۋىمەن تۇسىندىرىلەدى.
گرينۆيچ بويىنشا ساعات 19:00 دە ماسكتىڭ بايلىعى $185,8 ميلليارد، ارنونىكى $184,7 ميلليارد قۇراعان. ءۇشىنشى ورىندا - ءۇندى ميللياردەرى گاۋتاما اداني (134,2 ميلليارد دوللار). رەيتينگ ناقتى ۋاقىت رەجيمىندە جاڭارتىلادى.