اتىراۋدا اۆتوكولىك مۇز استىنا ءتۇسىپ كەتتى

اتىراۋ. قازاقپارات - اتىراۋدا جەكە يەلىكتەگى كولىك مۇز استىنا ءتۇسىپ كەتكەن، دەپ حابارلايدى قازاقپارات ءتىلشىسى.

«تويوتا حايليۋكس» كولىگىنىڭ جايىق وزەنىندە قاتقان مۇز استىنا ءتۇسىپ كەتكەنى تۋرالى اقپارات الەۋمەتتىك جەلىدە تارادى.

وبلىستىق توتەنشە جاعدايلار دەپارتامەنتىنىڭ قوعاممەن بايلانىس توبىنان ءمالىم ەتكەندەي، وقيعا 7-جەلتوقساندا بولعان. وقيعا ورنىنا شاقىرتۋ ساعات 13:10 دا تۇسكەن.

اتىراۋ قالاسىنا تاياۋ ورنالاسقان دامبا اۋىلدىق وكرۋگىنە قاراستى پەشنوي ۋچاسكەسى تۇسىندا جايىق وزەنىندە مۇز ويىلىپ، اۆتوكولىك ءتۇسىپ كەتكەنى انىقتالعان. اۆتوكولىك وزەن جاعاسىنان 15 مەتر قاشىقتىقتان تابىلعان.

«جەدەل- قۇتقارۋ جاساعىنىڭ سۇڭگۋىرلەرى سۇيمەنمەن مۇزدى ويىپ، اۆتوكولىكتىڭ ارتقى دوڭگەلەگىنە ارقان بايلاپ، جاعاعا شىعاردى. مۇز استىنداعى كولىكتى شىعارۋ جۇمىستارىنا جەدەل قۇتقارۋ جاساعىنىڭ 6 قىزمەتكەرى مەن 1 تەحنيكاسى جۇمىلدىرىلدى»، - دەپ حابارلالى قوعاممەن بايلانىس توبى.

كولىكتىڭ سالونىندا ەشكىم بولماعان.

«جۇقا مۇز ۇستىنە شىعۋعا، توپپەن جينالۋعا، جىرمالارعا، جارىقتارعا، ويىقتارعا جاقىنداۋعا، اۆتوكولىكتەرمەن ارنايى جاساقتالعان وتكەلدەردەن تىس جەرگە، ياعني سۋ ايدىندارىنا بارۋعا بولمايدى»، - دەپ ءمالىم ەتتى قوعاممەن بايلانىس توبىنان.