ۇستەل تەننيسىنەن الەم چەمپيوناتىندا قازاقستانعا تۇڭعىش رەت جۇلدە بۇيىردى

استانا. قازاقپارات - تۋنيستە ۇستەل تەننيسىنەن جاسوسپىرىمدەر اراسىندا ءوتىپ جاتقان الەم چەمپيوناتىندا قازاقستاندىق الان قۇرمانعاليەۆ جۇلدەگەرلەر قاتارىنا قوسىلدى، دەپ حابارلايدى قازاقپارات ءتىلشىسى.

قاراعاندىلىق ا. قۇرمانعاليەۆ (باپكەرى ەلميرا اليەۆا) مىسىرلىق حانا گودامەن بىرگە ارالاس جۇپتا جارتىلاي فينالعا شىقتى.

وسىلايشا، قازاقستاندىق- مىسىرلىق جۇپ كەمىندە قولا جۇلدەگە يە بولادى. ولار 1/8 فينالدا پۋەرتوريكالىق ەنريكە ريوس - برازيليالىق سەناگا شيرايدى تىزە بۇكتىردى. ال شيرەك فينالدا فرانسيالىقتار ناتان لام - گاەتانا بلەدادان ايلاسىن اسىردى.

ءسويتىپ، ا. قۇرمانعاليەۆ قازاقستان ۇستەل تەننيسى تاريحىندا العاش رەت الەم چەمپيوناتىنىڭ جۇلدەگەرى قاتارىنان تابىلىپ وتىر.

جارتىلاي فينالدىق باسەكە جەلتوقساننىڭ 8 ىنەن 9 ىنا قاراعان ءتۇنى وتەدى. سونىمەن قاتار ا. قۇرمانعاليەۆ جەكەلەي سىندا دا باق سىنايدى.