ميللياردتاردى قولما-قول اقشاعا اينالدىرۋمەن اينالىسقان توپ سوتتالدى – ۇ ق ك

None
استانا. قازاقپارات - كاسىپكەرلىك سۋبەكتىلەرىنە زاڭسىز جولمەن 135 ميلليارد تەڭگەنى قولما-قول اقشاعا اينالدىرۋ جانە سالىق تولەۋدەن جالتارۋعا ۇزاق ۋاقىت بويى كومەكتەسىپ كەلگەن 20 ايىپتالۋشى سوتتالدى.

بۇل تۋرالى قازاقپارات ۇ ق ك-نىڭ باسپا ءسوز قىزمەتىنە سىلتەمە جاساپ حابارلايدى.

«2022 -جىلعى شىلدە ايىندا ۇلتتىق قاۋىپسىزدىك كوميتەتى كاسىپكەرلىك سۋبەكتىلەرىنە زاڭسىز جولمەن 135 ميلليارد تەڭگە سوماسىنداعى قاراجاتتى قولما- قول اقشاعا اينالدىرۋ جانە سالىق تولەۋدەن جالتارۋعا ۇزاق ۋاقىت بويى كومەكتەسىپ كەلگەن ادامدارعا قاتىستى اۋقىمدى قىلمىستىق ءىستى تەرگەۋدى اياقتادى. زاڭعا قايشى ءىس-ارەكەتكە 300 ادام، ونىڭ ىشىندە شەتەلدىك ازاماتتار بار جانە 500 گە جۋىق جالعان كومپانيا مەن 5 مىڭ كونتراگەنت تارتىلعان.

5-جەلتوقساندا قاراعاندى قالاسى قازىبەك بي اۋداندىق سوتى وسى ىسكە قاتىسى بار 20 فيگۋرانتتى ق ر ق ك 216-بابى 3-تارماعى جانە 28-245-بابى 3-تارماعى بويىنشا كىنالى دەپ تانىپ، ءارتۇرلى جازا مەرزىمدەرىنە سوتتادى.

وسى قىلمىستى تەرگەۋدىڭ تاجىريبەسى قازاقستان رەسپۋبليكاسىنداعى كولەڭكەلى ەكونوميكاعا قارسى ءىس- قيمىل بويىنشا جۇمىستىڭ الگوريتمىن جاساپ شىعارۋعا مۇمكىندىك بەردى»، - دەلىنگەن رەسمي حابارلامادا.


سوڭعى جاڭالىقتار