قازاقستاندا باسپانا باعاسى ءبىر جىلدا قانشا پايىز قىمباتتاعانى بەلگىلى بولدى
ءبىر جىلدا (2022 -جىلعى قاراشا - 2021 -جىلعى قاراشا ارالىعىندا) پاتەرلەردى قايتا ساتۋ باعاسى - %26,9، جاڭا تۇرعىن ۇيلەردى ساتۋ %17,3 ءوستى.
بيىلعى قاراشادا پاتەردى جالعا الۋ تولەمى وتكەن جىلعى ءتيىستى ايمەن سالىستىرعاندا %48,6 ارتتى.
وڭىرلەر بويىنشا: ءبىر جىلدا جاڭا ۇيلەر اقتوبەدە - %30,3، سەمەيدە - %26,9، اقتاۋدا %25 قىمباتتادى. ەكىنشى نارىقتاعى ۇيلەر تالدىقورعاندا - %44,6، اقتاۋدا - %43,3، سەمەيدە - %42,8، اقتوبەدە - %42,4، استانادا - %41,7، قىزىلوردادا %41,2 ءوستى. ال تۇرعىن ءۇيدى جالعا الۋ نارىعىندا باعالار ەڭ كوپ الماتى (%76,6)، قاراعاندى (%55,7) جانە قوستاناي قالالارىندا (%54,5) ءوستى.
ال ءبىر ايداعى ستاتيستيكاعا جۇگىنسەك (2022 -جىلعى قاراشا 2022 -جىلعى قازانمەن سالىستىرعاندا)، ەكىنشى نارىقتاعى باسپانانى قايتا ساتۋ باعاسى - %1، جاڭا تۇرعىن ۇيلەر %1,2 قىمباتتادى. پاتەر ارەنداسى الدىڭعى ايمەن سالىستىرعاندا، كەرىسىنشە %2,4 تومەندەدى.
«جاڭا تۇرعىن ۇيلەر بويىنشا اقپاراتتى ساتۋ وپەراتسيالارىن جۇرگىزەتىن قۇرىلىس كومپانيالارىنان جينايمىز. بۇل رەتتە پاتەردىڭ باستاپقى جانە تازا ارلەنگەندەگى باعاسى ەسكەرىلەدى. پاتەرلەردى قايتا ساتۋ جانە جالعا الۋ بويىنشا دەرەكتەر ينتەرنەتتە، بۇقارالىق اقپارات قۇرالدارىندا ورنالاستىرىلاتىن حابارلاندىرۋلار نەگىزىندە جينالادى. باعالاردى ەسەپتەۋ كەزىندە ءبىر، ەكى، ءۇش بولمەلى پاتەرلەر بويىنشا ۇسىنىستار ەسەپكە الىنادى»، - دەيدى ق ر ۇلتتىق ستاتيستيكا بيۋروسى باعا ستاتيستيكاسى دەپارتامەنتىنىڭ ديرەكتورى قۋانىشبەك جاقىپبەك ۇلى.