ق ر جوعارعى سوتىنىڭ جاڭا ءتوراعاسى سايلاندى
كونستيتۋتسياعا سايكەس مەملەكەت باسشىسىنىڭ ۇسىنۋىمەن ەلىمىزدىڭ جوعارعى سوتىنىڭ ءتوراعاسىن قىزمەتىنەن بوساتۋ جانە سايلاۋ، سونداي-اق ونىڭ انتىن قابىلداۋ سەناتتىڭ قاراۋىنا جاتادى.
وسى ورايدا ق ر پرەزيدەنتى اكىمشىلىگىنىڭ باسشىسى مۇرات نۇرتىلەۋ جوعارعى سوتىنىڭ ءتوراعاسى لاۋازىمىنا ا. مەرعاليەۆتى سايلاۋ تۋرالى مەملەكەت باسشىسىنىڭ ۇسىنىمىن تانىستىردى.
«20 -جىلدان استام سوت جۇيەسىندە بەنسەندى قىزمەت ەتىپ كەلەدى. تاجىريبەسى مول، بىلىكتى مامان. 2020 -جىلعى جەلتوقسان ايىنان باستاپ اقتوبە وبلىستىق سوتىنىڭ ءتوراعاسى لاۋازىمىن اتقاردى»، - دەدى م. نۇرتىلەۋ.
سەناتتىڭ جالپى وتىرىسىندا پالاتا دەپۋتاتتارى اتالعان ۇسىنىمعا قولداۋ ءبىلدىرىپ، جوعارعى سوتتىڭ جاڭا ءتوراعاسىن بەكىتتى.
اسلامبەك مەرعاليەۆ 1972 -جىلدىڭ 2-ساۋىرىندە پاۆلودار وبلىسى ەرتىس اۋدانى قاراقۇدىق اۋىلىندا تۋعان.
1999 -جىلى زاڭگەر ماماندىعى بويىنشا ىستامبۇل مەملەكەتتىك ۋنيۆەرسيتەتىن بىتىرگەن.
سوت سالاسىندا 2001 -جىلدان بەرى قىزمەت ىستەپ كەلەدى.
2001-2003 ج. ج. - پاۆلودار وبلىستىق سوتىنىڭ باس مامانى؛
2003-2007 ج. ج. - پاۆلودار قالالىق سوتىنىڭ سۋدياسى؛
2007-2008 ج. ج. - پاۆلودار وبلىسى ەكىباستۇز قالاسىنىڭ مامانداندىرىلعان اكىمشىلىك سوتىنىڭ ءتوراعاسى؛
2008-2012 ج. ج. - پاۆلودار وبلىسى ەكىباستۇز قالالىق سوتىنىڭ ءتوراعاسى؛
2012 -2014 ج. ج. - پاۆلودار قالالىق №2-سوتىنىڭ ءتوراعاسى؛
2014 -جىلدىڭ 17-ماۋسىمىنان 2015 -جىلدىڭ 18-جەلتوقسانىنا دەيىن - سولتۇستىك قازاقستان وبلىستىق سوتىنىڭ قىلمىستىق ىستەر بويىنشا اپەللياتسيالىق سوت القاسىنىڭ ءتوراعاسى قىزمەتىن اتقارعان.
2015 -جىلدان 2020 -جىلعا دەيىن قوستاناي وبلىستىق سوتىنىڭ ءتوراعاسى قىزمەتىن اتقاردى.
2020 -جىلدىڭ 31-جەلتوقسانىنان باستاپ بۇگىنگە دەيىن اقتوبە وبلىستىق سوتىنىڭ ءتوراعاسى بولىپ جۇمىس ىستەگەن.
سونداي-اق، بۇگىن سەناتتىڭ جالپى وتىرىسىندا جاقىپ اسانوۆ جوعارعى سوت ءتوراعاسى قىزمەتىنەن بوساتىلدى.
كونستيتۋتسياعا سايكەس مەملەكەت باسشىسىنىڭ ۇسىنۋىمەن ەلىمىزدىڭ جوعارعى سوتىنىڭ ءتوراعاسىن قىزمەتىنەن بوساتۋ جانە سايلاۋ، سونداي-اق ونىڭ انتىن قابىلداۋ سەناتتىڭ قاراۋىنا جاتادى.
ق ر پرەزيدەنتى اكىمشىلىگىنىڭ باسشىسى مۇرات نۇرتىلەۋدىڭ ايتۋىنشا، جاقىپ اسانوۆتىڭ جەلتوقسان ايىندا وكىلەتتىگىنىڭ اياقتالۋىنا بايلانىستى جانە باسقا قىزمەتكە اۋىسۋىنا وراي جوعارعى سوتتىڭ ءتورعاسى لاۋازىمىنان بوساتۋ تۋرالى ۇسىنىم ەنگىزىلدى.
«جاقىپ قاجىمان ۇلى سوت جۇيەسىن بەس جىل بويى ابىرويمەن باسقاردى. ەلىمىزدىڭ، قۇقىقتىق جۇيەنىڭ دامۋىنا، زاڭ ۇستەمدىگىن قامتاماسىز ەتۋگە ەلەۋلى ۇلەس قوستى. ادىلەتتى قازاقستان باعىتىندا كوپتەگەن رەفورمالار قولعا الىندى. جاقىپ اسانوۆ ءبىرتالاي كەلەلى ءىستى دۇرىس اتقاردى دەپ سانايمىز»، - دەدى م. نۇرتىلەۋ.
جاقىپ قاجىمان ۇلى اسانوۆ 1963 -جىلى 17-تامىزدا قىزىلوردا قالاسىندا دۇنيەگە كەلگەن. س. م. كيروۆ اتىنداعى قازاق مەملەكەتتىك ۋنيۆەرسيتەتىن «قۇقىق تانۋ» ماماندىعى بويىنشا اياقتاعان.
ۋنيۆەرسيتەتتى اياقتاعاننان كەيىن قىزىلوردا وبلىستىق ادۆوكاتتار كوللەگياسىنا تاعىلىمداماشى بولىپ قابىلدانادى.
1986 -جىلدان 1993 -جىلعا دەيىن قىزىلوردا وبلىسىنىڭ پروكۋراتۋرا ورگاندارىندا قىزمەت اتقارىپ، قىزىلوردا قالاسى پروكۋرورىنىڭ اعا كومەكشىسى، وبلىس پروكۋرورىنىڭ كومەكشىسى، اعا كومەكشىسى جانە وبلىستىق پروكۋراتۋرانىڭ ءبولىم باستىعى لاۋازىمدارىندا جۇمىس ىستەدى. 1993 -جىلدان 1994 -جىلعا دەيىن قازاقستان رەسپۋبليكاسى باس پروكۋراتۋراسى جالپى قاداعالاۋ باسقارماسىنىڭ اعا پروكۋرورى، جالپى قاداعالاۋ باسقارماسىنىڭ بانكتەر، قارجى-نەسيە سالاسىنداعى جانە تەكسەرۋ ورگاندارىنداعى زاڭنامانىڭ ساقتالۋىن قاداعالاۋ ءبولىمىنىڭ باستىعى قىزمەتتەرىن اتقارادى.
2016 -جىلعى 25-ساۋىردە مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ باس پروكۋرورى لاۋازىمىنا تاعايىندالدى.
قازاقستان رەسپۋبليكاسى پرەزيدەنتىنىڭ ۇسىنۋى بويىنشا جاقىپ قاجىمان ۇلى اسانوۆ قازاقستان رەسپۋبليكاسى پارلامەنتى سەناتىنىڭ 2017 -جىلعى 11-جەلتوقسانداعى № 273-VI پ س قاۋلىسىمەن قازاقستان رەسپۋبليكاسى جوعارعى سوتىنىڭ ءتوراعاسى قىزمەتىنە سايلاندى.