10:01, 08 - جەلتوقسان 2022 | GMT +6
ەنەرگەتيكا مينيسترلىگى تۇركيا جاعالاۋىندا جينالىپ قالعان مۇناي تانكەرلەرىنە قاتىستى تۇسىنىكتەمە بەردى
استانا. قازاقپارات - تۇركيانىڭ بوسفور مەن داردانەلل بۇعازدارىندا مۇناي تيەگەن تانكەرلەر جينالىپ قالدى، دەپ حابارلايدى قازاقپارات ءتىلشىسى.
بۇعان دەيىن حالىقارالىق جانە قازاقستاندىق ب ا ق- تا قازاقستاننىڭ مۇنايىن تيەگەن تانكەرلەر تۇركيا جاعالاۋىندا بىرنەشە كۇن بويى قاڭتارىلىپ تۇرعانى تۋرالى مالىمەت شىققان بولاتىن. ۆەدومستۆو وسىعان بايلانىستى تۇسىنىكتەمە بەردى.
«بۇگىنگى تاڭدا بوسفور مەن داردانەلل بۇعازدارىندا كۇتۋ ۋاقىتى 6 كۇنگە جەتتى. قىس مەزگىلىندە بۇل قالىپتى جاعداي. بىلتىر جەلتوقساندا بۇعازداردا كۇتۋ ۋاقىتى شامامەن 14 كۇن بولعان. ساقتاندىرۋ حاتتارى تۋرالى مالىمەتتەر ناقتىلانىپ جاتىر»، - دەلىنگەن مينيسترلىكتىڭ باسپا ءسوز قىزمەتى تاراتقان حابارلاما.
ەسكە سالساق، 5- جەلتوقساننان باستاپ ەۋروپالىق وداقتىڭ تانكەرلەرمەن جەتكىزىلەتىن رەسەي مۇنايىنا تىيىم سالاتىن ەمبارگو كۇشىنە ەندى.
فوتو: finance.yahoo.com
اۆتور
ەسىمجان ناقتىباي