قازاقستان العاش رەت قىتايعا اتوم ەلەكتر ستانتسياسىنا ارنالعان يادرولىق وتىن جەتكىزدى

استانا. قازاقپارات - قازاقستاننان قىتايعا اتوم ەلەكتر ستانتسياسىنا ارنالعان يادرولىق وتىننىڭ العاشقى پارتياسى جەتكىزىلدى، دەپ جازادى قازاقپارات «قازاتومونەركاسىپ» ۇ ك» ا ق باسپا ءسوز قىزمەتىنە سىلتەمە جاساپ.

جەتكىزىلگەن AFA 3G ت م ديزاينىنداعى جاڭا يادرولىق وتىن جىلۋ بولەتىن قۇراما (ج ب ق) دەپ اتالادى. وتىن «ءۇلبى-ج ب ق» ج ش س زاۋىتىندا شىعارىلدى، ول قازاقستان مەن قىتايدىڭ بىرلەسكەن كاسىپورنى.

ءبىر قايتا جۇكتەۋ كولەمىندەگى (30 توننادان استام تومەن بايىتىلعان ۋران) ج ب ق ورنالاستىرىلعان 34 كولىكتىك-وراۋ كونتەينەرى بار تەمىرجول پلاتفورمالارى مامانداندىرىلعان كۇزەتپەن بىرگە قىتايداعى اتوم ەلەكتر ستانتسياسىنا جەتكىزىلىپ، تۇپكى تۇتىنۋشى - قىتايدىڭ CGNPC- URC يادرولىق كورپوراتسياسىنا تابىستالدى.

«ا ە س ءۇشىن يادرولىق وتىن ءوندىرۋ جونىندەگى يننوۆاتسيالىق جوبانى ىسكە اسىرۋ - كومپانيانىڭ الەمدىك كليماتتىڭ وزگەرۋىنىڭ سالدارىن جۇمسارتۋعا جانە تومەن كومىرتەكتى دامۋ جونىندەگى جاھاندىق ماقساتقا قول جەتكىزۋگە قوسقان ۇلەسىنىڭ مىسالى. «ءۇلبى-ج ب ق» زاۋىتى قازاتومونەركاسىپكە ءوندىرىستى ءارتاراپتاندىرۋعا، جەلىنى كەڭەيتۋگە جانە قوسىلعان قۇنى جوعارى جوعارى تەحنولوگيالىق، ەكسپورتقا باعدارلانعان ۋران ونىمدەرىن شىعارۋعا مۇمكىندىك بەردى. قىتايلىق سەرىكتەستەرگە ءونىمدى ءساتتى جەتكىزۋ قازاتومونەركاسىپتىڭ الەمدىك يادرولىق وتىن نارىعىندا سەنىمدى جانە ارتىقشىلىققا يە جەتكىزۋشى رەتىندەگى بەدەلىن راستادى»، - دەدى قازاتومونەركاسىپ ۇ ا ك» ا ق باسقارما ءتوراعاسى ەرجان مۇقانوۆ.

جوبا اتوم ونەركاسىبى سالاسىنداعى الەمنىڭ جەتەكشى كومپانيالارىنىڭ تابىستى كوپجاقتى ىنتىماقتاستىعىنىڭ جاقسى ۇلگىسى بولىپ تابىلادى. جبق وندىرىسىندە ءۇلبى مەتاللۋرگيا زاۋىتىندا قايتا وڭدەلگەن قازاقستاندا وندىرىلگەن ۋران شيكىزاتى پايدالانىلادى.

«ءۇلبى-ج ب ق» ج ش س زاۋىتىنىڭ ۇجىمىن جانە قىتايدان كەلگەن سەرىكتەستەرىمىزدى وسى وراسان زور وقيعامەن قۇتتىقتايمىن. دايىن ءونىمدى العاشقى جونەلتۋ ج ب ق تۇراقتى جەتكىزىلىمدەرىنىڭ باستالۋىن بەلگىلەدى، بۇل ءبىزدىڭ كاسىپورىندار ءۇشىن عانا ەمەس، سونىمەن قاتار قازاقستان مەن قىتاي ءۇشىن بەيبىت اتومدى يگەرۋدە وتە ماڭىزدى»، - دەدى «ءۇ م ز» ا ق باسقارما ءتوراعاسى سەرگەي بەجەتسكي.

«مەن دايىن ءونىمدى وندىرۋگە جانە تۇتىنۋشى - قىتاي حالىق رەسپۋبليكاسىنا العاشقى جەتكىزۋگە قاتىسقان بارلىق ارىپتەستەرىمە العىس ايتقىم كەلەدى. تۇپكى تۇتىنۋشى وكىلدەرىنىڭ قاتىسۋىمەن «ءۇلبى-ج ب ق» ج ش س، «ءۇ م ز» ا ق جانە URC- Logistics قىزمەتكەرلەرى كومانداسىنىڭ ۇيلەسىمدى جۇمىسى تاريحي وقيعانى جۇزەگە اسىرۋعا كومەكتەستى»، - دەپ اتاپ ءوتتى «ءۇلبى-ج ب ق» ج ش س باس ديرەكتورى ارمان سۇلەيمەنوۆ.

«ءۇلبى-ج ب ق» ج ش س زاۋىتى 2021-جىلدىڭ قاراشا ايىندا Framatome فرانسۋز كومپانياسىنىڭ AFA 3G ديزاينىنداعى ج ب ق ءوندىرۋ تەحنولوگياسىنىڭ يەسى تاراپىنان سەرتيفيكاتتاۋدان وتكەننەن كەيىن جانە ءونىمنىڭ تۇپكىلىكتى تۇتىنۋشىسى - CGNPC-URC قىتاي يادرولىق كورپوراتسياسى تاراپىنان سەرتيفيكاتتالعان يادرولىق وتىن جەتكىزۋشىسى رەتىندە تانىلعاننان كەيىن ىسكە قوسىلدى.

بۇل اتوم ەلەكتر ستانتسيالارى ءۇشىن يادرولىق وتىن شىعارۋ بويىنشا قازاقستان رەسپۋبليكاسىنداعى جالعىز ءوندىرىس جانە 20 جىل بۇرىن كەپىلدى وتكىزۋ نارىعى بار. زاۋىتتىڭ قۋاتى - تومەن بايىتىلعان ۋرانعا ەسەپتەگەندە جىلىنا 200 توننا.

«قازاتومونەركاسىپ» ۇ ا ك» ا ق يننوۆاتسيالىق ءوندىرىسىنىڭ ىسكە قوسىلۋى قازاقستانعا اتوم ستانتسيالارى ءۇشىن يادرولىق وتىن ءوندىرۋشى جانە جەتكىزۋشى مەملەكەتتەردىڭ شەكتەۋلى شەڭبەرىنە كىرۋگە مۇمكىندىك بەرىپ، قازاقستان رەسپۋبليكاسىنىڭ اتوم سالاسىن دامىتۋ جانە وسى باعىتتاعى باسقا ەلدەرمەن ىنتىماقتاستىق پەرسپەكتيۆالارى بويىنشا جاڭا مۇمكىندىكتەر اشتى.

ايتا كەتەيىك، ج ب ق - ينجەنەرلىك قۇرىلىم، ونىڭ جاقتاۋىنا جىلۋ بولەتىن ەلەمەنتتەر (تۆەلدەر) - ۋران تابلەتكالارىمەن تولتىرىلعان تۇتىكتەر ورنالاستىرىلادى. بۇل قۇرامالار ا ە س ءۇشىن وتىن بولىپ تابىلادى. تبەلدەرگە ارنالعان ۋران تابلەتكالارىن «ءۇ م ز» ا ق دايىندايدى.