بارلىق ۇيگە جىلۋ بەرىلدى - ەكىباستۇزداعى جەدەل شتاب
جەدەل شتاب باسشىسى - پرەمەر-ءمينيستردىڭ ءبىرىنشى ورىنباسارى رومان سكلياردىڭ ايتۋىنشا، 7-جەلتوقسان، ساعات 08:00 دەگى جاعداي بويىنشا زارداپ شەككەن بارلىق ۇيگە جىلۋ بەرىلدى. جەلىلىك سۋدىڭ پارامەترلەرى: قىسىمى 8,8 ك گ/س م2، ءتۇزۋ باعىتتا 83 گرادۋس، ءتۇزۋ جانە كەرى باعىتتا 56 گرادۋستى قۇرايدى.
«ەنەرگيا كوزى شتاتتىق رەجيمدە جۇمىس ىستەپ تۇر. ەكىباستۇز ج ە و قالاداعى جىلۋدى قالپىنا كەلتىرۋ بويىنشا قاجەتتى بارلىق جۇمىستى اتقارىپ جاتىر. الايدا، وكىنىشكە قاراي، سوڭعى كۇندەرى ورىن العان وقيعالاردىڭ سالدارىنان بولعان گيدراۆليكالىق رەجيمنىڭ بالانستان اۋىتقۋى، سونىڭ ىشىندە تۇتىنۋشىلار مەن پ ي ك-تەردىڭ جىلۋ تاسىمالداعىشتاعى سۋدى رۇقساتسىز اعىزۋى بۇل جۇمىستى قيىنداتىپ وتىر.
بارلىق تۇرعىندارعا شىدامدىلىق تانىتقانى ءۇشىن العىس بىلدىرەمىز جانە الداعى 2-3 كۇندە بىرلەسكەن كۇش-جىگەردىڭ ارقاسىندا جىلۋمەن قامتۋ تولىعىمەن قالپىنا كەلەدى دەپ ويلايمىز»، - دەلىنگەن جەدەل شتاب مالىمەتىندە.
تومەندە ەكىباستۇز قالاسىندا جىلۋمەن جابدىقتاۋ بويىنشا اتقارىلعان جۇمىستار تۋرالى مالىمەت ۇسىنىلدى.
ەسكە سالايىق، 27-قاراشادا ەكىباستۇز جىلۋ ەلەكتر ورتالىعىندا اپات بولىپ، قالا تۇرعىندارى جىلۋسىز قالدى.
كەيىن جىلۋ قازاندىعىنىڭ ىستەن شىعۋىنا بايلانىستى وبلىس اكىمى باستاعان جەدەل شتاب قۇرىلدى.
ەكىباستۇز قالاسىنىڭ وقۋشىلارى ونلاين وقۋعا كوشىرىلدى.
28-قاراشا كۇنى تاڭەرتەڭ قالادا جەرگىلىكتى اۋقىمداعى توتەنشە جاعداي جاريالاندى.
30-قاراشادا ەكىباستۇزعا پرەمەر-مينيستر ءاليحان سمايىلوۆ بارىپ، كىنالىلەر جاۋاپقا تارتىلاتىنىن ايتتى.
اپات سەبەبى رەتىندە جىلۋ جەلىلەرىنىڭ توزۋى، جىلۋ ورتالىعى باسشىلىعىنىڭ نەمقۇرايلىلىعى مەن ينۆەستيسيالاردىڭ جەتكىلىكسىزدىگى اتالدى.
مەملەكەت باسشىسىنىڭ تاپسىرماسى بويىنشا پرەمەر-ءمينيستردىڭ ءبىرىنشى ورىنباسارى رومان سكليار اپات سالدارىن جويۋ جۇمىستارى اياقتالعانشا ەكىباستۇزدا بولاتىنى حابارلاندى.