09:06, 07 - جەلتوقسان 2022 | GMT +6
قازاقستاندا كوروناۆيرۋس جۇقتىرعاندار سانى ارتتى
استانا. قازاقپارات - وتكەن ءبىر تاۋلىكتە 175 ادامنان - كوروناۆيرۋس، 10 ادامنان كوروناۆيرۋس بەلگىلەرى بار پنيەۆمونيا انىقتالدى، دەپ حابارلايدى قازاقپارات ق ر دەنساۋلىق ساقتاۋ مينيسترلىگىنە سىلتەمە جاساپ.
7-جەلتوقسانداعى مالىمەت بويىنشا، قازىر ەل وڭىرلەرىندە كوروناۆيرۋستان - 1255 (ك ۆ ي+)، كوروناۆيرۋس پنيەۆمونياسىنان - 192 (ك ۆ ي-)، بارلىعى 1447 ادام ەمدەلىپ جاتىر. ولاردىڭ ىشىندە 203 پاتسيەنت ستاتسيوناردا، 1244 ناۋقاس امبۋلاتوريالىق دەڭگەيدە ەم قابىلداۋدا.
ك ۆ ي+، ك ۆ ي- شالدىققانداردىڭ اراسىندا:
- 6 ادامنىڭ جاعدايى اۋىر،
- 4 پاتسيەنتتىڭ جاعدايى وتە اۋىر،
- 4 ناۋقاس وكپەنى جاساندى جەلدەتۋ اپپاراتىنا قوسىلدى.
ايتا كەتەيىك، 5-جەلتوقسانداعى تاۋلىك ىشىندە كوروناۆيرۋس - 140 ادامنان، 4-جەلتوقساندا 114 ادامنان انىقتالعان بولاتىن.