پلەي-وفف كەزەڭىندە گول سوققان ەڭ ساقا ويىنشى بەلگىلى بولدى

استانا. قازاقپارات - پورتۋگاليا قورعاۋشىسى پەپە الەم چەمپيوناتتارىنىڭ پلەي-وفف كەزەڭىندە گول سوققان ەڭ ساقا ويىنشى اتاندى، دەپ حابارلايدى قازاقپارات ءتىلشىسى.

شۆەيتساريامەن ماتچتا كاپيتان رەتىندە ءوز كومانداسىن باستاپ شىققان پەپە 33-مينۋتتا گول سوعىپ، ەسەپتى 2:0 گە جەتكىزدى.

پورتۋگاليالىق قورعاۋشىنىڭ تۋعانىنا 39 جاس 9 اي تولعان ەدى.

وسىعان دەيىن فۋتبول تاريحىندا مۇنداي جاسىندا ەشكىم الەم بىرىنشىلىگىنىڭ پلەي-وفف ساتىسىندا گول سوقپاعان.

بۇل كەزدەسۋدە قوسالقى قۇرامدا قالعان پورتۋگاليا شابۋىلشىسى كريشتيانۋ رونالدۋ كوماندالاسىن قىزۋ قۇتتىقتادى.

ەسكە سالا كەتەيىك، بۇدان بۇرىن پەنالتي سەرياسىندا جاپونيانى جەڭگەن حورۆاتيانىڭ شيرەك فينالعا شىققانىن جازعان بولاتىنبىز.

ال ماروككو 1/8 فينالدا يسپانيانى جەڭىپ كەتتى.