الەم چەمپيوناتىنداعى تاعى ءبىر مارتە سەنساتسيا
ەكى قۇراما ءوزىنىڭ تاريحىندا ءۇشىنشى مارتە كەزدەسىپ وتىر. بىرەۋىندە تەڭ ناتيجە تىركەلسە، ەكەۋىندە يسپانيالىق فۋتبولشىلار باسىم ءتۇستى.
كەزدەسۋ بارىسىندا قوس قۇرامانىڭ دا گول سوعاتىن مۇمكىندىگى از بولعان جوق. دەگەنمەن ونى ءساتتى پايدالانا العان جوق. ءبىرىنشى جانە ەكىنشى كەزەڭدە جەڭىمپاز انىقتالمادى.
قوسىمشا ەكى كەزەڭدە دە قۇرامالار ءبىر-ءبىرىنىڭ قاقپاسىنان ساڭىلاۋ تابا العان جوق.
پەنالتي تەبۋدە ماروككو ءمۇلت كەتكەن جوق. وسىلايشا ولار تاعى ءبىر مارتە سەنساتسيا جاسادى. جارىستى جالعاستىرۋعا مۇمكىندىك الدى.
سونداي-اق، 6-جەلتوقساندا ەلوردا ۋاقىتىمەن 1.00-دە پورتۋگاليا مەن شۆەيتساريا كەزدەسۋى «Qazaqstan» مەن «Qazsport» تەلەارنالارىنان كورسەتىلەدى.
يسپانيا قۇراماسى سوڭعى ەۋروپا چەمپيوناتىندا جارتىلاي فينالعا دەيىن جەتتى. جارىستىڭ اتالعان ساتىسىندا پەنالتيدەن يتالياعا جول بەرىپ قويدى.
ماروككو بيىل الەم چەمپيوناتىنا التىنشى مارتە قاتىسىپ وتىر. بۇعان دەيىن 1986 -جىلى 1/8 فينالعا دەيىن جەتكەن ەدى.