بىرنەشە وڭىردە وقۋشىلار قاشىقتان وقيدى

استانا. قازاقپارات - اۋا رايىنىڭ بۇزىلۋىنا بايلانىستى تاعى ءبىر وڭىردە بالالار قاشىقتان وقۋعا كوشىرىلدى، دەپ حابارلايدى قازاقپارات.

«7-جەلتوقسان كۇنى اۋا رايىنىڭ قولايسىزدىعىنا بايلانىستى ءبىرىنشى اۋىسىمداعى 0-9-سىنىپ وقۋشىلارى قاشىقتان وقۋعا كوشىرىلەدى»، - دەلىنگەن قاراعاندى قالاسى ءبىلىم ءبولىمىنىڭ مالىمەتىندە.

بۇگىن سونداي-اق استانا قالاسىندا ءبىرىنشى اۋىسىمنىڭ 0-11 (12)-سىنىپ وقۋشىلارى جانە كوللەدجدەردىڭ 1-2-كۋرس ستۋدەنتتەرى قاشىقتان وقىتۋ فورماتىنا اۋىستىرالعان بولاتىن.

ايتا كەتەيىك، ەلوردادا قاتتى ايازعا بايلانىستى وقۋشىلار دۇيسەنبىدەن ونلاين وقىپ جاتىر.

اباي وبلىسىنىڭ كەيبىر اۋداندارىندا دا ءبىرىنشى اۋىسىمداعى ساباقتار ونلاين فورماتتا وتەدى.

اتاپ ايتقاندا، سەمەي قالاسىندا 1-9-سىنىپتار، كۋرچاتوۆ قالاسىندا 1-11-سىنىپتار، سونىمەن قاتار كوكپەكتى، جارما، بورودۋليحا، اباي اۋداندارىندا كەيبىر مەكتەپتەردە ساباق قاشىقتان وقىتىلادى. بەسقاراعاي اۋدانىندا بارلىق مەكتەپتەر قاشىقتان وقۋعا كوشىرىلدى. قالعان اۋدانداردا ساباق شتاتتىق رەجيمدە وتەدى.