ۇلىتاۋ وبلىسىندا كاسىبي فۋتبول كلۋبى قۇرىلادى

None
جەزقازعان. قازاقپارات - ۇلىتاۋ وبلىسىنىڭ اكىمى بەرىك ءابدىعالي ۇلى مەن «قازاقستان فۋتبول فەدەراتسياسى» زاڭدى تۇلعالار بىرلەستىگى قاۋىمداستىعىنىڭ پرەزيدەنتى ادىلەت بارمەنقۇلوۆ ىنتىماقتاستىق مەموراندۋمىنا قول قويدى.

بۇل تۋرالى قازاقپارات ءتىلشىسى اتالعان ءوڭىر اكىمدىگىنىڭ باسپا ءسوز قىزمەتىنە سىلتەمە جاساپ حابارلايدى.

جەرگىلىكتى قۇزىرلى ورگان مالىمەتىنشە، مەموراندۋم اياسىندا ۇلىتاۋ وبلىسىندا كاسىبي فۋتبول كلۋبىن قۇرۋ جوسپارلانعان.

«2023-جىلدىڭ ناۋرىز ايىندا باستالاتىن فۋتبولدان قازاقستان چەمپيوناتىنىڭ ەكىنشى ليگاسىنا قاتىسۋعا ءوتىنىم بەرۋ ءۇشىن ۇلىتاۋ وبلىسىنان قۇرىلاتىن فۋتبول كومانداسى بارلىق كۇش-جىگەرىن جۇمساۋ كەرەك. بۇل باعىتتاعى جۇمىس بيۋجەتكە قوسىمشا جۇكتەمەسىز جۇرگىزىلەتىن بولادى. جۇمىس بىردەن ءۇش باعىتتا باستالادى: وبلىستىق فۋتبول فەدەراتسياسىن اشۋ، كاسىبي فۋتبول كلۋبى مەن بالالار-جاس وسپىرىمدەر اكادەمياسىن قۇرۋ»، - دەپ ءمالىم ەتتى اكىمدىكتىڭ باسپا ءسوز قىزمەتىنەن.

قازىرگى ۋاقىتتا ۇلىتاۋ وبلىسىنىڭ ەكى قالاسى مەن ءبىر اۋدانىندا فۋتبول سەكتسيالارى بار. وندا جالپى سانى 930 جاس ءوسپىرىم فۋتبولمەن اينالىسادى.


سوڭعى جاڭالىقتار