ەۋرازيالىق دامۋ بانكى قازاقستاندىق جوبالارعا ينۆەستيتسيا كولەمىن ۇلعايتتى

استانا. قازاقپارات – ق ر پرەمەر-ءمينيسترى، ەۋرازيالىق دامۋ بانكى (ە ا د ب) كەڭەسىنىڭ ءتوراعاسى ءاليحان سمايىلوۆ قارجى ۇيىمىنىڭ باسقارما ءتوراعاسى نيكولاي پودگۋزوۆپەن كەزدەستى، دەپ حابارلايدى ق ر ۇكىمەتىنىڭ باسپا ءسوز قىزمەتى.

2022-جىلعى ە ا د ب جۇمىسىنىڭ الدىن الا قورىتىندىلارى جانە كەلەسى جىلعا ارنالعان جۇمىس جوسپارى تالقىلاندى.

بيىل بانك رەسپۋبليكاداعى جوبالارعا سالىنعان ينۆەستيتسيالاردى $1,2 ميللياردقا دەيىن ۇلعايتتى، بۇل وتكەن جىلدىڭ جوسپارداعى ينديكاتورلارى مەن كورسەتكىشتەرىنەن اسىپ ءتۇستى.

2023-جىلى ەل ەكونوميكاسىنىڭ باسىم سالالارىنا تاعى $1,1 ميلليارد باعىتتاۋ جوسپارلانىپ وتىر.

ءاليحان سمايىلوۆ كووپەراتسيالىق جوبالار سانىن ارتتىرۋدىڭ ماڭىزدى ەكەنىن اتاپ ءوتتى.

ءوز كەزەگىندە نيكولاي پودگۋزوۆ 2026-جىلعا دەيىن قازاقستاندا جوبالاردى ىسكە اسىرۋعا كەمىندە $3,8 ميلليارد كوزدەلگەنىن حابارلادى.

«كەلەر جىلى قارجىلاندىرۋ كەزىندە لوگيستيكالىق ينفراقۇرىلىمدى دامىتۋعا، سۋ رەسۋرستارىمەن، ازىق-تۇلىك جانە ەنەرگەتيكالىق قاۋىپسىزدىكپەن قامتاماسىز ەتۋگە، ەكولوگيالىق كورسەتكىشتەردى جاقسارتۋعا باعىتتالعان جوبالارعا باسىمدىق بەرىلەدى»، — دەدى ە ا د ب باسشىسى.