بايتەرەك ا ق ەنشىلەس كومپانيالارى ەكونوميكا سەكتورلارىن قالاي قولداۋدا

استانا. قازاقپارات - «بايتەرەك» ۇلتتىق باسقارۋشى حولدينگىنىڭ ەنشىلەس كومپانيالارى ەل ەكونوميكاسىنىڭ ءتۇرلى سەكتورى بويىنشا قانداي قولداۋ كورسەتىپ جاتىر.

بۇل تۋرالى «Aktobe Investment-2022» VII ينۆەستيتسيالىق حالىقارالىق فورۋمدا اتالعان ۇلتتىق حولدينگتىڭ باسقارۋشى ديرەكتورى نياز كوشكىمبايەۆ ايتىپ بەردى، دەپ حابارلايدى قازاقپارات ءتىلشىسى.

ءبىزدىڭ حولدينگ 8 ەنشىلەس كومپانيادان تۇرادى. حولدينگتىڭ نەگىزگى ەنشىلەس كومپانيالارىنىڭ ءبىرى 8 ميلليارد ا ق ش دوللارى مولشەرىندە اكتيۆى بار «قازاقستاننىڭ دامۋ بانكى». اتالعان بانك «جاسىل» جانە جاڭارتىلاتىن ەنەرگەتيكا سالاسى بويىنشا، سول سياقتى ۇزاق مەرزىمدى ينۆەستيتسيالىق جوبالاردى قارجىلاندىرۋعا باسىمدىق بەرەدى.

سونداي-اق، «بايتەرەك» حولدينگى «قازىنا كاپيتال مەنەدجمەنت» ا ق- نىڭ قورلارى ارقىلى اكسيونەرلىك جانە ۆەنچۋرلىق قارجىلاندىرۋدى جۇزەگە اسىرادى. ونىڭ پورتفەلىنە كاپيتالى 3,1 ميلليارد ا ق ش دوللارى قۇرايتىن 19 تىكەلەي ينۆەستيتسيالار قورى كىرەدى.

شاعىن جانە ورتا بيزنەس «دامۋ» قورىنان قارجىلىق قولداۋ الا الادى.

ءبىز ەكسپورتتىق كەلىسىمشارتتار مەن كرەديتتەردى جانە يمپورتتاۋشىلاردى ساقتاندىرۋدى، جالپى ەكسپورتتاۋشىلاردى قولداۋ مەن قورعاۋعا ارنالعان قۇرالداردىڭ كەڭ سپەكترىن «KazakhExport» ەكسپورتتىق ساقتاندىرۋ كومپانياسى ارقىلى جۇزەگە اسىرامىز.

«وتباسى بانك» ا ق جانە «قازاقستاندىق تۇرعىن ءۇي كومپانياسى» ا ق سياقتى ەنشىلەس كومپانيالار تۇرعىن ءۇي قۇرىلىسىنا جەڭىلدەتىلگەن يپوتەكالىق نەسيە بەرەدى.

«بەرەكە بانك» ا ق بۇل كوممەرتسيالىق ۇيىم. ونىڭ زاماناۋي ينفراقۇرىلىمى مەن كاسىبي كومانداسى (شامامەن 4 مىڭ قىزمەتكەر) بار. بانك كليەنتتەر مەن بيزنەستىڭ سۇراۋىن قاناعاتتاندىرۋ ءۇشىن ەڭ ۇزدىك ونىمدەر مەن قىزمەتتەردى ۇسىنادى. اتالعان شارالار ەلدىڭ قارجى جۇيەسى ءۇشىن ماڭىزى زور.

ءبىزدىڭ ەنشىلەس ۇيىمىمىز «اگرارلىق كرەديتتىك كورپوراتسياسى» ەگىن جيناۋ جۇمىستارى مەن ينۆەستيتسيالىق جوبالاردى قارجىلاندىرىپ، قارجى ينستيتۋتتارى قورىن قۇرادى. «اگرارلىق كرەديتتىك كورپوراتسياسى» 10 جىلعا دەيىنگى مەرزىمگە جانە وتەۋدىڭ 36 ايعا دەيىنگى جەڭىلدىكپەن جانە %6 سىياقى مولشەرلەمەسىمەن (سۋبسيديالاۋدى ەسكەرە وتىرىپ) 2 مىڭ ا ق ش دوللارى سوماسىندا قارىز ۇسىنا الادى.

اگرارلىق كرەديتتىك كورپوراتسيانىڭ ەنشىلەس كومپانياسى - «قازاگروقارجى» ەلىمىزدەگى ەڭ ءىرى ليزينگتىك كومپانيا. اۋىل شارۋاشىلىعى تەحنيكاسى مەن جابدىقتارى ليزينگى نارىعىنىڭ شامامەن 90 پايىزى تيەسىلى. كومپانيا فەرمەرلەرگە جەڭىلدەتىلگەن شارتتارمەن اۋىلشارۋاشىلىق تەحنيكاسى مەن جابدىقتارىن ليزينگكە الۋعا كومەكتەسەدى.

«ىسكەر قوعامداستىق وكىلدەرىن اۋقىمدى ينۆەستيتسيالىق جوبالاردى ىسكە اسىرۋ ءۇشىن حولدينگتىڭ قارجى ينستيتۋتتارىنىڭ قولدا بار قۇرالدارىن پايدالانۋعا شاقىرعىم كەلەدى. «بايتەرەك» ءوز كەزەگىندە بيزنەس وكىلدەرىنىڭ ىسكەرلىك باستامالارى بويىنشا سەنىمدى سەرىكتەس بولۋعا جانە قارجىلاندىرۋ بوينشا عانا ەمەس، سونىمەن قاتار جوبالاردى قۇرىلىمداۋدا دا قولداۋ كورسەتۋگە دايىن»، - دەپ تولىقتىردى نياز كوشكىمبايەۆ.