استاناداعى جانارماي بەكەتتەرىندە اۆتوگاز جەتپەي جاتىر

استانا. قازاقپارات - ەلوردا تۇرعىندارى الەۋمەتتىك جەلىدە جانارماي قۇيۋ ستانتسيالارىنداعى اۆتوگاز تاپشىلىعى تۋرالى جازىپ، ونىڭ تەك تالون ارقىلى بەرىلىپ جاتقانىنا شاعىمدانىپ جاتىر، دەپ حابارلايدى قازاقپارات ءتىلشىسى.

ماسەلەنى انىقتاۋ ماقساتىندا قازاقپارات ءتىلشىسى استانادا ورنالاسقان جانارماي قۇيۋ ستانتسيالارىنا (ج ق س) حابارلاستى. 9 ستانتسيا بۇگىن گاز تاپشىلىعى بار ەكەنىن راستاسا، 3 كومپانيا اۆتوگازدىڭ مۇلدەم جوق ەكەنىن مالىمدەدى. جانارماي قۇيۋ بەكەتتەرىنىنىڭ وكىلدەرى ماسەلەنىڭ سەبەبىنە قاتىستى سۇراققا جاۋاپ بەرە المادى. ولاردىڭ دەرەگىنشە، بۇعان ەلورداداعى بارلىق ج ق س- تارعا گاز جەتكىزەتىن «GASENERGY» كومپانياسى جاۋاپتى.

«استانا قالاسى بويىنشا اۆتوگاز تەك ابىلاي حان داڭعىلى، ا. جۇبانوۆ پەن ش. ايتماتوۆ كوشەلەرىندەگى جانە «Family Village» اۋماعىنداعى جانارماي قۇيۋ بەكەتتەرىندە عانا بار»، - دەپ جاۋاپ بەردى كومپانيادان ءتىلشى ساۋالىنا وراي.

جانارماي قۇيۋ ستانتسيالارىنىڭ وكىلدەرى اۆتوگازدىڭ تالونمەن ساتىلۋىنا قاتىستى ساۋالعا جاۋاپ بەرمەدى. ال وسى سالاعا جاۋاپتى ەنەرگەتيكا مينيسترلىگى دە بۇل جاعداي توڭىرەگىندە تۇسىنىكتەمە بەرمەي وتىر.