قازاقستاندىق تەننيسشىلەر حالىقارالىق تۋرنيرلەردىڭ فيناليسى اتاندى
قازاقستان تەننيس فەدەراتسيسىنان ءمالىم ەتكەنىندەي، گ. لوماكين جۇپتىق سىندا برازيليالىق يگور حيمەنەسپەن بىرگە ۆاكاريادا (برازيليا) وتكەن ITF جارىسىندا (جۇلدە قورى - 25 مىڭ دوللار) فينالعا دەيىن جەتتى.
سوڭعى باسەكەدە گريگوريي مەن يگور تارتىستى ماتچتا برازيليالىقتار جواو لوۋرەيرو - گۋستاۆو حەيدەگە ەسە جىبەردى - 6:3، 6:7 (5:7)، 5:10.
تۇركيادا 14 جاسقا دەيىنگىلەر اراسىندا ءۇشىنشى ساناتتاعى Tennis Europe دوداسىندا يا. پشەنيچنىي مەن ت. قايرەتدينوۆ فينالدا رەسەيلىك كارتتسيەۆ پەن تۇركيالىق بايبارىسقا جول بەردى - 4:6، 2:6.
يسپانيادا رافاەل نادال اكادەمياسىندا 12 جاسقا دەيىنگىلەر اراسىندا TEN- PRO Global Junior Tour ءتۋرنيرى مارەسىنە جەتتى. وعان استانا مەن پەتروپاۆل تەننيس مەكتەبىنىڭ تاربيەلەنۋشىلەرى قاتىستى. استانالىق پولينا لازارەنكو ءۇشىنشى ورىنعا كوتەرىلسە، ابىلاي تولەۋبايەۆ «تۋرنيردىڭ ۇزدىك ويىنشىسى» اتالىمى بويىنشا ارنايى جۇلدەمەن ماراپاتتالدى.
ەسكە سالا كەتەيىك، بۇدان بۇرىن قازاقستاندىق 3 جاس تەننيسشىنىڭ ازيا رەيتينگىسىندە كوش باسىندا تۇرعانىن جازعان بولاتىنبىز.