استانادا جەكە كاسىپكەر كولىكتەرگە جالعان ءنومىر تاعىپ، بيزنەس جاساعان

None
استانا. قازاقپارات - استانادا جەكە كاسىپكەر كولىكتەرگە جالعان ءنومىر تاعىپ، بيزنەس جاساعان، - دەپ حابارلايدى Polisia.kz.

ەلوردادا كەشكى ۋاقىتتا پاترۋلدىك پوليسەيلەر جالعان مەملەكەتتىك نومىرلىك بەلگىلەرى بار Daewoo Nexia اۆتوكولىگىن باسقارعان جۇرگىزۋشىنى انىقتادى. ءىس جۇرگىزۋ بارىسىندا الماتى اۋدانىنىڭ پوليسەيلەرى ەر ادامنىڭ كولىكتى كاسىپكەردەن جالعا العانىن انىقتادى. بەلگىلى بولعانى، ءبىر ماركالى، ءتۇسى بىردەي جانە نومىرلەرى بىردەي ەكى كولىك جالعا بەرىلگەن.

بيزنەسمەن ءنومىردىڭ كوشىرمەسىن Telegram قوسىمشاسىندا تاپسىرىس بەرگەنى جانە ول ءۇشىن 50 مىڭ تەڭگە تولەگەنى بەلگىلى بولدى. اتالعان فاكتىگە قاتىستى «كولىك قۇرالىنىڭ سايكەستەندىرۋ ءنومىرىن قولدان جاساۋ، جويۋ، كورىنەۋ قولدان جاسالعان سايكەستەندىرۋ ءنومىرى بار كولىك قۇرالىن وتكىزۋ» بويىنشا سوتقا دەيىنگى تەرگەپ- تەكسەرۋ جۇرگىزىلىپ جاتىر. اتالعان باپ بويىنشا جازا 2 مىڭ ا ە ك- كە دەيىنگى مولشەردە ايىپپۇلدان باستاپ ەكى جىلعا دەيىنگى مەرزىمگە باس بوستاندىعىنان ايىرۋعا نە شەكتەۋگە دەيىن كوزدەلەدى. قازىرگى ۋاقىتتا «ەگىز كولىك» تاركىلەنىپ، كوممۋنالدىق تۇراققا قويىلدى. ساراپتاما تاعايىندالدى.


سوڭعى جاڭالىقتار