مەملەكەت باسشىسى قىرعىزستان پرەزيدەنتىمەن تەلەفون ارقىلى سويلەستى

استانا. قازاقپارات - مەملەكەت باسشىسى قاسىم- جومارت توقايەۆ قىرعىزستان پرەزيدەنتى سادىر جاپاروۆپەن تەلەفون ارقىلى سويلەستى، دەپ حابارلايدى اقوردا.

قاسىم- جومارت توقايەۆ سادىر جاپاروۆتى تۋعان كۇنىمەن قۇتتىقتاپ، وعان باق- بەرەكە جانە جاۋاپتى مەملەكەتتىك قىزمەتتە تابىس تىلەدى.

مەملەكەت باسشىسى باۋىرلاس قىرعىزستانمەن دوستىق، تاتۋ كورشىلىك جانە ستراتەگيالىق سەرىكتەستىك رۋحىنداعى ىنتىماقتاستىقتى ودان ءارى دامىتۋعا نيەتتى ەكەنىن جەتكىزدى.

سونىمەن قاتار ەكى ەل پرەزيدەنتتەرى ساۋدا- ەكونوميكالىق، ينۆەستيتسيالىق جانە مادەني- گۋمانيتارلىق سالالارداعى قارىم- قاتىناستاردى نىعايتۋعا باعىتتالعان ۋاعدالاستىقتاردىڭ جۇزەگە اسىرىلۋ بارىسىن تالقىلادى.