ەكىباستۇز جىلۋ ورتالىعىنىڭ ۋچاسكە باستىعى كوز جۇمدى، تەكسەرۋ جۇرگىزىلۋدە
الدىن الا بولجام بويىنشا، ەر ادام ايەلىمەن بولعان جانجالدان سوڭ گاراجعا كەتىپ، سونداعى كولىگىن وتالدىرعان. كەيىن ول ۇيىقتاپ، گازدان ۋلانىپ قالعان بولۋى مۇمكىن.
قازا تاپقان ج ە و ۋچاسكەسىنىڭ باستىعى تۋرالى اقپارات الەۋمەتتىك جەلىدە كەڭ تارادى. وندا قازا تاپقان 33 جاستاعى ەر ادامنىڭ دەنەسى گاراجدان تابىلعانى، ونىڭ دەنەسىندە زورلىق ىزدەرى بولماعانى تۋرالى پوليتسيانىڭ باياناتى جاريالاندى.
«ەكىباستۇز جىلۋ ەنەرگياسى» باسپا ءسوز قىزمەتى قىزمەتكەردىڭ قايتىس بولعانىن راستاعان.
«4 -جەلتوقسان كۇنى «ەكىباستۇز جىلۋ ەنەرگياسى» ج ش س- نە پوليتسيا باسقارماسىنان قالاداعى گاراجدارىنىڭ بىرىنەن كولىك ىشىنەن ەكىباستۇز ج ە و قىزمەتكەرىنىڭ دەنەسىن تاپقانى تۋرالى قوڭىراۋ ءتۇستى. دەرەكتەردى تەكسەرۋ كەزىندە ولار بۇل شىنىمەن ورتالىق قىزمەتكەرى ەكەنىن انىقتادى»، - دەدى كاسىپورىن.
ال پاۆلودار وبلىستىق پوليتسيا دەپارتامەنتىنىڭ مالىمەتىنشە، بۇل فاكت قالالىق باسقارمادا تىركەلگەن، قازىر تەكسەرۋ جۇرگىزىلۋدە.