ايدوس ەربوسىن ۇلى كومادان سوڭ قازاقستانعا ورالدى

استانا. قازاقپارات - ەكىنشى ورتا سالماقتاعى قازاقستاندىق بوكسشى ايدوس ەربوسىن ۇلى WBA Regular الەم چەمپيونى كىشى داۆيد موررەلدەن جەڭىلگەننەن كەيىن وتانىنا ورالدى، دەپ حابارلايدى قازاقپارات Sports.kz-كە سىلتەمە جاساپ.

قاراشادا ايدوس كۋبالىقپەن ميننەاپوليستە (ا ق ش، ميننەسوتا) جۇدىرىقتاسىپ، موررەل 12- راۋندتا جەڭگەن بولاتىن. ايقاستان كەيىن ەربوسىن ۇلى جەرگىلىكتى اۋرۋحانالاردىڭ بىرىنە جەتكىزىلىپ، ونىڭ ميىنا قان قۇيىلعانى انىقتالعان بولاتىن. بوكسشى جاساندى كوماعا ءتۇسىپ، وتا جاسالدى. بىرنەشە اپتا بويى دارىگەرلەردىڭ باقىلاۋىندا بولدى.

ايدوس Instagram Stories-تە اۋەجايدا دوستارى مەن تۋىستارى قارسى الىپ جاتقان بىرنەشە ۆيدەو مەن فوتو جاريالادى.

بۇعان دەيىن ول جانكۇيەرلەرىنە قولداۋ بىلدىرگەندەرى ءۇشىن العىس ايتىپ، بولاشاقتا رينگكە ورالعىسى كەلەتىنىن ايتقان بولاتىن.

وسىعان دەيىن ايدوس ەربوسىن ۇلىنىڭ اۋرۋحانادان شىققانىن جازعان ەدىك.