يندونەزيادا سەمەرۋ جانارتاۋى اتقىلادى
4 جەلتوقسان, 17:11

يندونەزيادا سەمەرۋ جانارتاۋى اتقىلادى

استانا. تاسس- قازاقپارات - جەكسەنبىدە يندونەزيانىڭ شىعىس ياۆا پروۆينتسياسىندا (ياۆا ارالى) سەمەرۋ جانارتاۋى اتقىلادى.

بۇل تۋرالى يندونەزيانىڭ تابيعي اپاتتاردىڭ سالدارىن جويۋ جونىندەگى ۇلتتىق اگەنتتىگى ءمالىم ەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.

جانارتاۋ كۇل مەن ءتۇتىن باعاناسىن 1,5 مىڭ مەتر بيىكتىككە لاقتىرىپ جىبەرگەن. جانارتاۋعا 5 شاقىرىمنان جاقىن قاشىقتىققا جاقىنداۋعا تىيىم سالىنادى. اتقىلاۋدىڭ قانداي دا ءبىر سالدارى تۋرالى اقپارات جوق.

سونىمەن قاتار، جاپونيانىڭ ۇلتتىق مەتەورولوگيالىق باسقارماسى قازىرگى ۋاقىتتا ءتسۋناميدىڭ پايدا بولۋ قاۋپىنە بايلانىستى الىنعان مالىمەتتەردى زەرتتەپ جاتقانى تۋرالى ەسكەرتۋ جاسادى. ەگەر تسۋنامي بولسا، وندا تولقىندار وڭتۇستىك وكيناۆا پرەفەكتۋراسىنداعى شەتكى ارالدارعا جەتۋى مۇمكىن.

سەمەرۋ جانارتاۋى ءدال ءبىر جىل بۇرىن 4-جەلتوقساندا اتقىلاعان بولاتىن. سالدارىنان 50 دەن استام ادام كوز جۇمدى. سەمەرۋ - ياۆا ارالىنداعى ەڭ بيىك شىڭ. يندونەزيا اۋماعىندا 130 عا جۋىق بەلسەندى جانارتاۋ بار.

فوتو: ria.ru


جاڭالىقتار