پوليسياعا تاستاندى سابيلەر تۋرالى حابارلاماعان دارىگەرلەرگە ايىپپۇل سالىنباق

None
استانا. قازاقپارات - مەديتسينا ۇيىمدارىنىڭ لاۋازىمدى تۇلعالارى جاڭا تۋعان بالانى تاستاپ كەتۋ فاكتىسىن پوليسياعا حابارلاماسا، وندا ولار اكىمشىلىك جاۋاپكەرشىلىككە تارتىلماق.

ىشكى ىستەر مينيسترلىگى اكىمشىلىك قۇقىق بۇزۋشىلىق تۋرالى كودەكسىنە وسىنداي وزگەرىس ەنگىزبەك، دەپ حابارلايدى قازاقپارات ءتىلشىسى.

«مەديتسينالىق ۇيىمداردىڭ جانە جەتىم بالالار مەن اتا- انالارىنىڭ قامقورلىعىنسىز قالعان بالالارعا ارنالعان ۇيىمداردىڭ لاۋازىمدى ادامدارىنىڭ جاڭا تۋعان بالانى تاستاپ كەتۋ، جەتىم بالالار مەن اتا- انالارىنىڭ قامقورلىعىنسىز قالعان بالالاردىڭ كەلىپ ءتۇسۋى جانە جەتكىزىلۋى فاكتىسى تۋرالى حابارلاماۋى - جەكە تۇلعالارعا - 5 لاۋازىمدى ادامدارعا – 10 ايلىق ەسەپتىك كورسەتكىش مولشەرىندە ايىپپۇل سالىنادى.

ەگەر اكىمشىلىك جازا قولدانىلىپ، كەيىن 1 جىل ىشىندە ءدال سول ارەكەتى قايتالانسا، وندا جەكە تۇلعالارعا – 20، لاۋازىمدى ادامدارعا – 30 ايلىق ەسەپتىك كورسەتكىش مولشەرىندە ايىپپۇل سالىنادى»، - دەپ جازىلعان جاڭا رەداكتسيادا.

قۇجات «اشىق» نقا پورتالىندا جاريالاندى. ونى تالقىلاۋ 23-جەلتوقسانعا دەيىن جالعاسادى.

سوڭعى جاڭالىقتار