برازيليانىڭ ەكى فۋتبولشىسى الەم چەمپيوناتىنىڭ قالعان ويىندارىنا قاتىسا المايدى
4 جەلتوقسان, 09:48

برازيليانىڭ ەكى فۋتبولشىسى الەم چەمپيوناتىنىڭ قالعان ويىندارىنا قاتىسا المايدى

ورال. قازاقپارات - قاتاردا فۋتبولدان ءوتىپ جاتقان الەم چەمپيوناتىندا برازيليا قۇراماسىنىڭ فۋتبولشىلارى گابريەل جەزۋس ي الەكس تەللەس قالعان ويىندارعا قاتىسا المايدى، دەپ حابارلايدى قازاقپارات ءتىلشىسى.

Globo Esporte ءمالىم ەتكەندەي، مەديتسينالىق تەكسەرۋ ناتيجەسىندە قوس ويىنشىنىڭ وڭ تىزەسىنەن جاراقات العانى انىقتالعان.

جەزۋستىڭ قالپىنا كەلۋى ءۇشىن ءبىر ايداي ۋاقىت كەرەك. ال تەللەستىڭ جاراقاتى اۋىرلاۋ، ول وتا جاساتۋى ىقتيمال.

برازيليا مەن «ارسەنال» كلۋبىنىڭ (لوندون) شابۋىلشىسى، 25 جاستاعى جەزۋس العاشقى ەكى ماتچتا ويىنشىنى الماستىردى.

ال كامەرۋنمەن وتكەن كەزدەسۋدى ءبىرىنشى مينۋتتان باستاپ، 64-مينۋتتا الاڭنان كەتتى.

اعىلشىندىق «مانچەستەر يۋنايتەد» كلۋبىنىڭ قورعاۋشىسى تەللەس وسى باسەكەدە 55-مينۋتتا جاراقاتىنا بايلانىستى ورنىن بوساتقان كەزدە كوز جاسىن جاسىرا المادى.

قازىرگى تاڭدا چەمپيوناتتىڭ باستى فاۆوريتى سانالىپ وتىرعان برازيليا 1/8 فينالدا 5 -جەلتوقساندا وڭتۇستىك كورەيامەن سىنعا تۇسەدى.

بۇل ماتچقا وسىعان دەيىن جاراقات العان برازيليانىڭ تاعى ءبىر شابۋىلشىسى نەيمار قاتىسا الماۋى مۇمكىن.

ەسكە سالا كەتەيىك، بۇدان بۇرىن پورتۋگاليا مەن وڭتۇستىك كورەيانىڭ پلەي- وفف كەزەڭىنە شىققانىن جازعان بولاتىنبىز.

سونداي- اق كامەرۋننان جەڭىلگەن برازيليا ءوز توبىندا ءبىرىنشى ورىنعا يە بولدى.

جاڭالىقتار