ليونەل مەسسي سپورت كارەراسىندا مىڭىنشى مارتە جاسىل الاڭعا شىقتى
4 جەلتوقسان, 08:13

ليونەل مەسسي سپورت كارەراسىندا مىڭىنشى مارتە جاسىل الاڭعا شىقتى

ورال. قازاقپارات - قاتاردا فۋتبولدان ءوتىپ جاتقان الەم چەمپيوناتىندا ارگەنتينا شابۋىلشىسى ليونەل مەسسي ءوز سپورتتىق جولىندا اۋستراليامەن ماتچتا مىڭىنشى رەت جاسىل الاڭعا شىقتى، دەپ حابارلايدى قازاقپارات ءتىلشىسى.

ارگەنتينا كاپيتانى سپورتتىق مانسابىنىڭ باسىم بولىگىن يسپانيانىڭ «بارسەلونا» كلۋبىندا وتكىزدى.

اتاقتى كوماندا قۇرامىندا مەسسي 778 كەزدەسۋدە دوپ تەپتى. ليونەل قازىرگى كلۋبى فرانسيانىڭ «پ س ج» كومانداسىندا 53 ويىندا الاڭعا شىقتى.

سونىمەن قاتار ل. مەسسي ۇلتتىق قۇرامانىڭ جەيدەسىن 169 رەت كيدى.

ليونەل مەسسي - «التىن دوپتىڭ»» جەتى دۇركىن يەگەرى. ول «بارسەلونامەن» بىرگە 10 رەت يسپانيا بىرىنشىلىگىنىڭ، ءتورت دۇركىن چەمپيوندار ليگاسىنىڭ جەڭىمپازى اتاندى.

ءۇش رەت ۋەفا سۋپەركۋبوگىنە قول جەتكىزدى. ال «پ س ج» قۇرامىندا وتكەن ماۋسىمدا فرانتسيادا ۇزدىك شىقتى.

ل. مەسسي 2008 -جىلى بەيجىڭ وليمپياداسىنىڭ جەڭىمپازى بولسا، 2014 -جىلى ارگەنتينا قۇراماسىمەن بىرگە الەم چەمپيوناتىنىڭ كۇمىس جۇلدەگەرى اتاندى.

بيىلعى بىرىنشىلىك 35 جاستاعى ل. مەسسيدىڭ سوڭعى چەمپيوناتى بولۋى ابدەن مۇمكىن. سوندىقتان ول كومانداسىمەن بىرگە بارىنشا تابىستى ونەر كورسەتۋدى كوزدەيدى.

ەسكە سالا كەتەيىك، الەم چەمپيوناتىندا سەربيانى ۇتقان شۆەيتساريا پلەي- وفف كەزەڭىنە شىقتى.

جاڭالىقتار