گولوۆكيننىڭ كەلەسى قارسىلاسىمەن جۇرگىزگەن كەلىسسوزدەرى تۋرالى بەلگىلى بولدى
3 جەلتوقسان, 12:57

گولوۆكيننىڭ كەلەسى قارسىلاسىمەن جۇرگىزگەن كەلىسسوزدەرى تۋرالى بەلگىلى بولدى

استانا. قازاقپارات - Boxingscene.com جۋرناليسى دجەيك دونوۆان WBA Super، IBF جانە IBO نۇسقالارى بويىنشا الەم چەمپيونى گەننادي گولوۆكين مەن ورتا سالماقتاعى مەكسيكالىق حايمە مۋنگيانىڭ جەكپە- جەگى جاقىن ارادا بولمايتىنىن اتاپ ءوتتى، دەپ حابارلايدى قازاقپارات Sports.kz سايتىنا سىلتەمە جاساپ.

كۇنى كەشە مۋنگيا قازاقستاندىق بوكسشى جانىبەك الىمحان ۇلىمەن WBO سانكسيالاعان جەكپە- جەكتەن باس تارتقانى بەلگىلى بولدى.

«مۋنگيا بۇعان دەيىن BoxingScene.com - عاWBC ورتا سالماقتاعى چەمپيونى دجەرمالل چارلومەن (32-0, 22 ك و) جانە WBA/IBF بىرىككەن چەمپيونى گەننادي گولوۆكينمەن ۇلكەن جەكپە- جەك وتكىزگىسى كەلەتىنى تۋرالى ايتقان بولاتىن.

سوڭعى نۇسقا بويىنشا جەكپە- جەكتىڭ ءوتۋى ەكىتالاي. ويتكەنى گولوۆكينگە (42-2-1, 37 ك و) ەكى مىندەتتى تيتۋلدى قورعاۋ جۇكتەلگەن. IBF رەيتينگىسىدە ءبىرىنشى ەسكيۆا فالكاومەن كەلىسسوزدەر جالعاسىپ جاتىر. سودان كەيىن جەڭىمپاز WBA نىڭ مىندەتتى قارسىلاسى جانە كىشى چەمپيونى ەريسلاندي لارامەن كەزدەسۋى مۇمكىن. بۇعان دەيىن بۇل جەكپە- جەككە تاپسىرىس بەرىلگەن بولاتىن. الايدا رۇقسات ەتۋشى ورگاندار فالكاوعا روتاتسيادا ءبىرىنشى بولۋعا رۇقسات بەرگەن كەزدە جەكپە- جەك كەيىنگە قالدىرىلعان»، - دەپ جازىلعا ماتەريالدا.

جاڭالىقتار