حالىق اقىنى قونىسباي ءابىل دۇنيەدەن وزدى

استانا. قازاقپارات - قازاقستاننىڭ حالىق اقىنى، بەلگىلى ايتىسكەر قونىسباي ءابىل كوز جۇمدى. بۇل تۋرالى قازاقستان جازۋشىلار وداعىنىڭ باسقارما ءتوراعاسى ۇلىقبەك ەسداۋلەت مالىمدەدى، دەپ حابارلايدى قازاقپارات.

«بۇل دۇنيە نە بولىپ كەتتى؟ ! استانادان تاڭ بوزىمەن تاعى ءبىر اۋىر حابار جەتتى - ارقالى اقىن قونىسباي ءابىل دۇنيەدەن ءوتىپتى! جالعان- اي!..

قازاقستاننىڭ حالىق اقىنى، اتاقتى ايتىسكەر، التى الاشتىڭ ارداقتىسى، ءسوز سۇلەيى، سايىپقىران ساتيريك، قارىمدى قالامگەر، ءتىل جاناشىرى، وت اۋىزدى، وراق ءتىلدى، سەگىز قىرلى، ءبىر سىرلى اسىل ازامات بۇل پانيدەن باقيعا كوشىپتى!

كوكىرەگىم قارس ايىرىلا وتىرىپ، مارقۇمنىڭ وتباسىنا، اياۋلى اقىنىن قادىرلەيتىن حالقىمىزعا كوڭىل ايتامىن. باقۇل بول، دوسىم! جانىڭ جانناتتا بولسىن!» - دەپ جازدى ۇلىقبەك ەسداۋلەت.