شىمكەنتتە جالعان ءنومىر تاعاتىندار ازايماي وتىر
3 جەلتوقسان, 10:24

شىمكەنتتە جالعان ءنومىر تاعاتىندار ازايماي وتىر

شىمكەنت. قازاقپارات - ءساۋىر ايىنان باستاپ «سەرگەك قورعاۋ - قاۋىپتى جۇرگىزۋشى» باعدارلاماسىنىڭ كومەگىمەن شىمكەنتتە 192073 اكىمشىلىك قۇقىقبۇزۋشىلىق انىقتالدى، دەپ حابارلايدى قازاقپارات otyrar.kz كە سىلتەمە جاساپ.

ونىڭ ىشىندە، جالعان مەملەكەتتىك ءنومىر تاعىپ جۇرگەن – 71، اۆتوكولىك تەرەزەسىن كۇڭگىرتتەپ العان – 6145، ءتيىستى رۇقساتىنسىز قايتا جابدىقتالعان كولىك قۇرالىن باسقارعان 1598 تۇلعاعا اكىمشىلىك حاتتاما تولتىرىلدى. قوزعالىستىڭ قارسى جولاعىنا شىققان – 431، باعدارشامنىڭ تىيىم سالىنعان تۇسىنە (سيگنالىنا) ءوتىپ كەتكەن – 1394، جاياۋ جۇرگىنشىگە باسىمدىق بەرمەگەن – 879، كولىك قۇرالىن باسقارۋعا قۇقىعى جوق 1023 جۇرگىزۋشى بەلگىلى بولدى. سونداي- اق، باسقارۋ قۇقىعىنان ايىرىلعان - 48, وزگە دە قۇقىق بۇزۋشىلىقتار بويىنشا 180484 حاتتاما تولتىرىلىپ، 4364 اۆتوكولىك ايىپتۇراققا جەتكىزىلدى.

«قورعاۋ - قاۋىپتى جۇرگىزۋشى» باعدارلاماسىنىڭ كومەگىمەن جىل باسىنان بەرى 8217 دەن استام جول قوزعالىسى ەرەجەسىن بۇزعان 3590 جۇرگىزۋشى ۇستالدى.

ايتا كەتەتىن جايت، جول قوزعالىسى كەزىندە ەرەجەنى ەسكەرمەيتىن جۇرگىزۋشىلەر ۇلكەن قاۋىپ توندىرەدى. وسىنداي جعدايلاردىڭ الدىن الۋ بارىسىندا «قورعاۋ» قوسىمشاسى ءتارتىپ ساقشىلارىنىڭ جۇمىسىن جەدەلدەتتى. ياعني، اۆتوماتتاندىرىلعان جۇيەنىڭ كومەگىمەن قاۋىپتى جۇرگىزۋشىنى تەز ارادا انىقتاۋعا مۇمكىندىك تۋدى.

جاڭالىقتار