الماتىداعى اۆتوبۋس اپاتى: باعدارشام تايمەرى تەكسەرىلىپ جاتىر

الماتى. قازاقپارات - الماتىدا ەكى اۆتوبۋس سوعىلىپ، سالدارىنان ءبىر ادام قازا تاپقان قيىلىستاعى باعدارشام تايمەرى تەكسەرىلىپ جاتىر، دەپ حابارايدى قازاقپارات ءتىلشىسى.

الماتى قالالىق موبيلدىلىك باسقارماسىنىڭ مالىمەتىنشە، ابىلاي حان داڭعىلى مەن تولە ءبي كوشەسى قيىلىسىنداعى باعدارشام جۇمىسىن مامانداندىرىلعان مونتاجداۋ-پايدالانۋ باسقارماسىنىڭ قىزمەتكەرلەرى تەكسەرگەن. اپات بولعان كۇنى باعدارشام قۇرىلعىلارىنىڭ اقاۋى تىركەلمەگەن.

«الايدا بۇقارالىق اقپارات قۇرالدارىندا باعدارشامنىڭ جۇمىسى تۋرالى اقپاراتتىڭ پايدا بولۋىنا بايلانىستى باعدارشامدارعا قىزمەت كورسەتەتىن ماماندار وقيعا ورنىندا تەكسەرۋ جۇرگىزدى. ناتيجيەسىندە اقاۋلار راستالمادى. تەكسەرۋ بارىسىندا باعدارشام قوندىرعىسى، بارلىق تەحنيكا قالىپتى جۇمىس ىستەپ تۇردى»، - حابارلادى باسقارمادان.

ۆەدومستۆوداعىلار اتاپ وتكەندەي، باسپا سوزدە تابلو جۇمىسىنداعى اقاۋلار تۋرالى اقپارات قايتا پايدا بولدى.

«كەيىن، بارلىق تابلولاردى قيىلىستان بولشەكتەپ، سىناق ستەندىندەگى جوندەۋ زەرتحاناسىندا سىناۋ تۋرالى شەشىم قابىلداندى. ءۇش جۇمىس كۇنىنىڭ ىشىندە تەستىلەۋ ەشقانداي اقاۋلاردى انىقتاعان جوق. قازىرگى ۋاقىتتا تەستىلەۋ جۇمىستارى جالعاسىپ جاتىر، ناتيجەلەرى كەيىنىرەك بەلگىلى بولادى»، - دەپ اتاپ ءوتتى الماتى قالالىق موبيلدىلىك باسقارماسىنان.

ەسكە سالايىق، 8- قاراشا كۇنى الماتىدا تولە ءبي - ابىلاي حان كوشەلەرىنىڭ قيىلىسىندا ەكى اۆتوبۋس سوقتىعىستى.