بوكستان ەرلەر اراسىنداعى قازاقستان چەمپيوناتى باستالدى

None
پاۆلودار. قازاقپارات - بۇگىن پاۆلودار قالاسىنداعى «بايانتاۋ» سپورت سارايىندا بوكستان ەرلەر اراسىنداعى قازاقستان چەمپيوناتى باستالدى، دەپ حابارلايدى قازاقپارات.

«سپورتتى دامىتۋ ديرەكتسياسى» ر م ق ك- دان ءمالىم ەتكەندەي، بيىل ءار وڭىردەن كەلگەن 216 بىلعارى قولعاپ شەبەرى 9- جەلتوقسانعا دەيىن سىنعا تۇسەدى.

«تاريحقا ۇڭىلەر بولساق، تاۋەلسىز قازاقستاننىڭ العاشقى چەمپيوناتى وسى وبلىستاعى ەكىباستۇز قالاسىندا 1993-جىلى ۇيىمداستىرىلدى. ال 2016-جىلى كەرەكۋ ءوڭىرى ەلىمىزدەگى باستى باسەكەنى 2-مارتە قابىلدادى. ارادا كوپ ۋاقىت وتپەي شارشى الاڭ شەبەرلەرى مۇندا قايتا جينالدى»، - دەلىنگەن حابارلامادا.

IBA ەرەجەسى بويىنشا 13 سالماقتىڭ (48، 51، 54، 57، 60، 63،5، 67، 71، 75،80، 86، 92، 92+ ك گ) چەمپيونى مەن جۇلدەگەرلەرى بەلگىلى بولادى. چەمپيوناتقا 2004-جىلعا دەيىن دۇنيەگە كەلگەن سپورتشىلار قاتىسادى.

جەكپە-جەكتەردە 20 عا جۋىق تورەشى قىزمەت ەتەدى. قازىلار القاسىنىڭ ءتوراعاسى، حالىقارالىق دارەجەدەگى تورەشى - قايرات جامانقۇلوۆ.

جانكۇيەرلەرگە كىرۋ تەگىن.

سوڭعى جاڭالىقتار