ماگيستراتۋراعا ءبىلىم گرانتتارىن الۋعا قۇجات قابىلداۋ قاشان باستالادى

None
استانا. قازاقپارات – 6- جەلتوقساندا ماگيستراتۋراعا ءبىلىم گرانتتارىن تاعايىنداۋ كونكۋرسىنا قاتىسۋ ءۇشىن قۇجاتتار قابىلداۋ باستالادى. ول 12- جەلتوقسانعا دەيىن جالعاسادى، دەپ حابارلايدى قازاقپارات عىلىم مينيسترلىگىنە سىلتەمە جاساپ حابارلايدى.

بارلىعى 8 مىڭنان استام ادام ماگيستراتۋراعا ءتۇسۋ ءۇشىن ەمتيحان تاپسىردى. ولاردىڭ %40 عا جۋىعى شەكتى بال جينادى. ورتاشا كورسەتكىش - 69 بال. ەڭ جوعارى بال - 127.

كەشەندى تەستىلەۋ وتكىزۋ بارىسىندا 80 قاتىسۋشىنىڭ ناتيجەسى جويىلدى. ونىڭ ىشىندە 32 وقۋعا ءتۇسۋشى سمارتفون، شپارگالكا جانە باسقا دا تىيىم سالىنعان زاتتاردى الىپ وتۋگە تىرىسقانى ءۇشىن تەست تاپسىرۋ مۇمكىندىگىنەن ايىرىلدى. كەشەندى تەستىلەۋ كەزىندە ەرەجەلەردى بۇزعانى ءۇشىن اۋديتوريادان 48 ادام شىعارىلىپ، ولاردىڭ ناتيجەلەرى جويىلدى.

ماگيستراتۋرادا وقۋعا ارنالعان ءبىلىم بەرۋ گرانتتارى كەشەندى تەستىلەۋ ناتيجەلەرى بويىنشا كونكۋرستىق نەگىزدە بەرىلەدى.

گرانت كونكۋرسىنا قۇجاتتاردى قابىلداۋ 6-12- جەلتوقسان ارالىعىندا ج و و- لاردىڭ قابىلداۋ كوميسسيالارى، ونىڭ ىشىندە ونلاين ۆيرتۋالدى كوميسسيالار ارقىلى جۇزەگە اسىرىلادى. ياعني، بولاشاق ماگيسترانتتار قۇجاتتاردى ءداستۇرلى جانە ونلاين فورماتتا تاپسىرا الادى.

كونكۋرسقا قاتىسۋ ءۇشىن كەلەسى قۇجاتتاردى تاپسىرۋ قاجەت: جەكە كۋالىكتىڭ كوشىرمەسى، جوعارى ءبىلىمى تۋرالى قۇجات (ديپلوم جانە قوسىمشاسى)؛ ك ت سەرتيفيكاتى جانە بار بولعان جاعدايدا شەت ءتىلىن مەڭگەرگەندىگىن راستايتىن حالىقارالىق سەرتيفيكاتتار. 075/ۋ نىسانىنداعى مەديتسينالىق انىقتامانى جوعارى وقۋ ورنىنا تۇسكەندە تاپسىرۋعا بولادى.

«قۇجاتتاردى تاپسىرۋ كەزىندە وقۋعا ءتۇسۋشى ءبىلىم بەرۋ باعدارلامالارىنىڭ ءبىر توبىن جانە ءۇش جوعارى وقۋ ورنىن كورسەتەدى. ماگيستراتۋراعا ءبىلىم بەرۋ گرانتىن تاعايىنداۋ كونكۋرسى 15-25-جەلتوقسان ارالىعىندا وتەدى. ماگيستراتۋراعا تۇسۋشىلەر 4 مىڭعا جۋىق مەملەكەتتىك ءبىلىم گرانتىنا ۇمىتكەر بولا الادى»، - دەدى ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.

گرانت يەگەرلەرىنىڭ ءتىزىمى ۇلتتىق تەستىلەۋ ورتالىعىنىڭ سايتىندا جانە الەۋمەتتىك جەلىلەرىندە جاريالانادى.

سوڭعى جاڭالىقتار