الماتىدا جەر سىلكىنىسى بولسا قۇتقارۋ جۇمىستارى قالاي جۇرگىزىلمەك
2 جەلتوقسان, 21:29

الماتىدا جەر سىلكىنىسى بولسا قۇتقارۋ جۇمىستارى قالاي جۇرگىزىلمەك

الماتى. قازاقپارات - بۇگىن الماتىدا جوسپارلى جالپى قالالىق سەيسميكالىق - جاتتىعۋلار ءوتتى، دەپ حابارلايدى قازاقپارات ءتىلشىسى.

سەيسميكالىق جاتتىعۋدىڭ نەگىزگى ماقساتى قالا تۇرعىندارىنىڭ توتەنشە جاعدايلاردا دۇرىس ءىس-ارەكەتكە دايىندىق دەڭگەيىن ارتتىرۋ. وسىلايشا تۇرعىندار ەۆاكۋاتسيا مارشرۋتتارىن، قاۋىپسىز ورىنداردى الدىن-الا انىقتاپ، دابىل چەموداندارىن دايىنداۋ قاجەت. قاۋىپسىز ورىندار، بۇل ەلەكتر جەلىلەرى مەن عيماراتتاردان الىس اشىق الاڭدار.

وقۋ-جاتتىعۋ شاراسىنىڭ جوسپارى بويىنشا قالادا قاتتى جەر سىلكىنىسى بولدى. سونىڭ سالدارىنان كۇردەلى جاعداي تۋىندادى، عيماراتتار قيراپ، ءورت شىعىپ، باسقا دا ءتۇرلى اپاتتار ورىن الدى. حالىقتى حاباردار ەتۋ ءۇشىن «دارمەن» موبيلدى قوسىمشاسى ارقىلى دابىل ىسكە قوسىلىپ، تەلەراديو ارنالارى ارقىلى حابارلاما تارادى.

«ا د ك» ساۋدا - ويىن-ساۋىق كەشەنىنىڭ تۇراعىندا دالادا قۇرىلاتىن اسحاناسى بار شاتىرلى لاگەر ورنالاستىرىلدى، قالالىق ازاماتتىق قورعاۋ قىزمەتتەرى مەن ت ج م بولىمشەلەرىنىڭ قۇتقارۋ جانە ارنايى تەحنيكاسى كورسەتىلدى، ءىس جۇزىندە جەر سىلكىنىسىنىڭ موبيلدى سيمۋلياتورى كورسەتىلدى، العاشقى كومەك كورسەتۋ بويىنشا ءتۇرلى شەبەرلىك ماستەر كلاسستارى وتكىزىلدى. جاقىن جەردە ورنالاسقان قويما عيماراتى ت ج كەزىندە ادامداردى قۇتقارۋ جانە ەۆاكۋاتسيالاۋ بويىنشا ءىس- قيمىلداردى پىسىقتادى.

قالانىڭ قالعان 6 جاتتىعۋ ورنىندا: بوستاندىق جانە تۇركسىب اۋداندارىنىڭ گيمنازيالارىندا باسپاناسىز قالعان ادامداردى قابىلداۋ پۋنكتتەرى ورنالاستىرىلدى، الماتى-1 ت ج ستانتسياسىنان اۆتوموبيل جانە تەمىرجول كولىگىندە حالىقتى ەۆاكۋاتسيالاۋ ەلەمەنتتەرى پىسىقتالدى. «كاسپيان بيەۆەرەيدج حولدينگ» ا ق حيميالىق وبەكتىسىنىڭ بازاسىندا اممياك توگىلۋىمەن بايلانىستى تەحنوگەندىك سيپاتتاعى ت ج جويۋ بويىنشا ءىس-قيمىلدار پىسىقتالدى.

الماتى وبلىسى وتەگەن باتىر كەنتىندەگى جەتىسۋ تەمىرجول ستانتسياسىندا باسقا وڭىرلەردەن كومەككە كەلەتىن تەحنيكا ءتۇسىرىلدى. جالپى قالالىق سەيسميكالىق جاتتىعۋعا جەكە قۇرامنىڭ 900-دەن استام ادامى جانە ازاماتتىق قورعاۋ قىزمەتىنىڭ 80 تەحنيكاسى تارتىلدى، سونداي-اق قالانىڭ ساۋدا-ويىن ساۋىق ورتالىقتارى مەن الەۋمەتتىك نىساندار قاتىستى. الماتى قالاسىنىڭ اۋماعىندا سەيسميكالىق قاۋىپسىزدىكتى قامتاماسىز ەتۋ بويىنشا ءىس-شارالار جۇيەلى تۇردە جۇرگىزىلەدى. جىل باسىنان بەرى قالانىڭ بارلىق الەۋمەتتىك نىساندارىندا 3,5 مىڭنان استام سەيسميكالىق جاتتىعۋ ۇيىمداستىرىلدى. جەر سىلكىنىسىنەن كەيىن حالىققا كومەك كورسەتۋ ماقساتىندا قالا اۋماعىندا زارداپ شەككەن حالىقتى قابىلدايتىن 384 پۋنكت قۇرىلدى. سونىمەن قاتار الماتى قالاسىندا تاۋەلسىز مەملەكەتتەر دوستاستىعى اراسىندا جەر سىلكىنىسى تۋرالى اۆتوماتتاندىرىلعان ەرتە حاباردار ەتۋ جۇيەسى العاش رەت ەنگىزىلدى. ول دارمەن ءموبيلدى قوسىمشاسىمەن ينتەگراتسيالانعان.

سونداي-اق 4 جانە ودان دا كوپ بالدىق جەر سىلكىنىسى كەزىندە قوسىمشانى جۇكتەپ العان پايدالانۋشىلاردىڭ سمارتفوندارىنا Push-حابارلامالار اۆتوماتتى رەجيمدە تۇسەدى.

جۇيەنى ودان ءارى دامىتۋ ءۇشىن تاعى 28 ستانتسيا ورناتىلادى، بيىل ءبىرىنشى كەزەڭدى ىسكە اسىرۋ اياقتالادى - 11 ستانتسيا ورناتىلدى، ەكىنشى كەزەڭ 2023-جىلى 17 ستانتسيا ىسكە قوسىلادى.

ەسكە سالساق، عالىمدار الماتىدا جىل سوڭىنا دەيىن قۋاتتى جەر سىلكىنىستەرى بولمايتىنىنا بولجام جاسادى.

جاڭالىقتار