كوشى-قون جانە اكىمشىلىك پوليتسيا كوميتەتتەرى تاراتىلماق

استانا. قازاقپارات - ىشكى ىستەر مينيسترلىگىنە قاراستى اكىمشىلىك پوليتسيا مەن كوشى-قون قىزمەتى كوميتەتى تاراتىلۋى مۇمكىن.

بۇل تۋرالى بۇگىن اشىق تالقىعا شىعارىلعان ۇكىمەت قاۋلىسىندا جازىلعان، دەپ حابارلايدى قازاقپارات ءتىلشىسى.

قازاقستان رەسپۋبليكاسى ىشكى ىستەر مينيسترلىگىنىڭ اكىمشىلىك پوليتسيا كوميتەتى مەملەكەتتىك مەكەمەسى، قازاقستان رەسپۋبليكاسى ىشكى ىستەر مينيسترلىگىنىڭ كوشى-قون قىزمەتى كوميتەتى مەملەكەتتىك مەكەمەسى تاراتىلسىن.

بۇل ق ر پرەزيدەنتىنىڭ 2022-جىلعى 28- ساۋىردەگى ىشكى ىستەر مينيسترلىگىندە باسقا قۇقىق قورعاۋ ورگاندارىمەن (ب پ، س ج ق ى ا، ۇ ق ك) ۇقساستىعى بويىنشا قىزمەت قۇرۋ تۋرالى تاپسىرماسىن ورىنداۋ اياسىندا ۇسىنىلىپ وتىر.

جوبانى قابىلداۋ قۇقىق قورعاۋ قىزمەتىن وتكەرۋدى ۇيىمداستىرۋ تاسىلدەرىنىڭ بىرلىگى قاعيداتىن ىسكە اسىرۋعا، قىزمەتكەرلەردى باسقا قۇقىق قورعاۋ ورگاندارىمەن ۇقساستىعى بويىنشا الەۋمەتتىك جانە ماتەريالدىق قامتاماسىز ەتۋدى بىرىزدەندىرۋگە، دەربەستىكتى قامتاماسىز ەتە وتىرىپ، شەشىمدەر قابىلداۋ كەزىندە ولاردىڭ باسشىلارىنىڭ جاۋاپكەرشىلىك دەڭگەيىن ارتتىرا وتىرىپ، ءى ءى م- ءنىڭ قايتا قۇرىلعان بولىمشەلەرىنىڭ جۇمىسىن قايتا قۇرۋعا، وسى لاۋازىمداردى تاجىريبەسى مول بىلىكتى كادرلارمەن الماستىرۋ ءۇشىن تارتۋعا مۇمكىندىك بەرەدى، - دەلىنگەن قۇجاتتا.

قاۋلىدا كورسەتىلگەندەي، بۇل ءىستى جۇزەگە اسىرۋعا مەملەكەتتىك بيۋدجەتتەن قوسىمشا قارجات تالاپ ەتىلمەيدى. كوميتەت ءتوراعالارى مەن ولاردىڭ ورىنباسارلارىنىڭ ەڭبەكاقى مولشەرى مەن ارناۋلى اتاقتارى وزگەرىسسىز قالادى.

قۇجاتتى اشىق تالقىلاۋ 19- جەلتوقسانعا دەيىن جالعاسادى.