مامان ينتەرنەت-الاياقتىقتان قالاي قۇتىلۋدىڭ ءۇش جولىن ايتتى
ۆەدومستۆو مالىمەتىنشە، جىل باسىنان ازاماتتارعا 15 ميلليارد تەڭگە شىعىن كەلتىرىلگەن. ق م ا ماماندارى الاياقتاردان قورعانۋ جولدارىن ءتۇسىندىردى.
بىرىنشىدەن، بانك كارتالارىنىڭ دەرەگىن ساقتاڭىز. جەكە دەرەكتەرىڭىزدى ەشكىمگە جىبەرمەڭىز. قانداي دا ءبىر بەلگىسىز ادام حابارلاسسا ەشكىمگە SMS- كود جىبەرمەڭىز.
ەكىنشىدەن، العى تولەم جىبەرەر الدىندا تاۋاردىڭ بار-جوعىن تەكسەرىڭىز. بانك كارتاڭىزدى ەشكىمگە بەرمەڭىز. سەبەبى ءبىر زاتتى نە تاۋاردى ساتىپ الۋ الار الدىندا تاۋاردىڭ بار-جوعىنا كوز جەتكىزىڭىز. ينتەرنەت-الاياقتىق بويىنشا كوبىنە الداناتىندار - زەينەتتەگى ادامدار ەكەن. سەبەبى ولاردىڭ قارجى ساۋاتتىلىعى تومەن.
ۇشىنشىدەن، ينتەرنەتتە الاياقتار تۋرالى اقپاراتتى تاراتىڭىز. ينتەرنەت-الاياقتىقتى جويۋدىڭ ەڭ باستى جولى - ول الاياقتار تۋرالى اقپارات تاراتۋ. بالاسى اتا-اناسىنا قانداي دا ءبىر الاياقتىڭ جولى پايدا بولعانىن ءتۇسىندىرىپ وتىرسا، وقۋشىلارعا تۇسىندىرىلسە قارجى ساۋاتتىلىعى ارتىپ، مۇنداي جاعدايلار كەم دەگەندە 50 پايىزعا ازايار ەدى دەيدى ماماندار.