ماڭعىستاۋ وبلىسىنىڭ اكىمى لاۋازىمىندا قالدى
جارلىق ءماتىنى اقوردا سايتىندا جاريالانعان.
***
نوعايەۆ نۇرلان اسقار ۇلى 1967-جىلى 30- شىلدەدە اقتوبە وبلىسى مۇعالجار اۋدانى قاندىاعاش قالاسىندا دۇنيەگە كەلگەن. 1993-جىلى ي. گۋبكين اتىنداعى ماسكەۋ مەملەكەتتىك مۇناي جانە گاز اكادەمياسىن تاۋ-كەن ينجەنەرى ماماندىعى بويىنشا، 1999-جىلى قازاق مەملەكەتتىك باسقارۋ اكادەمياسىن «حالىقارالىق ەكونوميكالىق قاتىناستار» ماماندىعى بويىنشا جانە 2006-جىلى ر ف س ءى م ماسكەۋ مەملەكەتتىك حالىقارالىق قاتىناستار ينستيتۋتىن (ۋنيۆەرسيتەت) ىسكەرلىك اكىمشىلىك ماگيسترىن ءبىتىردى.
ەڭبەك جولىن اقتوبە وبلىسى وكتيابرسك قالاسىنىڭ قاندىاعاش ستانتسياسىندا ەلەكترومونتەر بولىپ باستاعان.
ماسكەۋ قالاسىندا مۇناي ونىمدەرى جونىندەگى اعا ساراپشى، «گيلي-پاسكەر» ج ش س- ءنىڭ ءبولىم باستىعى (1993-1995)؛ الماتى قالاسىندا «وتىرار ل ت د» شاعىن كاسىپورنى باس ديرەكتورىنىڭ ورىنباسارى (1995-1996)؛ 1996-2006-جىلدارى ارالىعىندا ماركەتينگ جونىندەگى ينجەنەر، «قازاق تۇرىك مۇناي» ج ش س- ءنىڭ ماركەتينگى، مۇناي جانە مۇناي ونىمدەرىن ساتۋ ءبولىمىنىڭ باستىعى، باس ديرەكتورى قىزمەتتەرىن اتقارعان.
2006-جىلعى اقپان-تامىز ارالىعىندا «قازمۇنايگاز» ۇلتتىق كومپانياسى» ا ق- نىڭ اتقارۋشى ديرەكتورى بولدى. 2006-جىلدىڭ تامىزىنان باستاپ قازاقستان رەسپۋبليكاسى ەنەرگەتيكا جانە مينەرالدىق رەسۋرستار مينيسترلىگىنىڭ مۇناي ونەركاسىبى دەپارتامەنتىنىڭ ديرەكتورى بولىپ جۇمىس ىستەدى.
2007-جىلدىڭ قىركۇيەگىنەن باستاپ باتىس قازاقستان وبلىسى اكىمىنىڭ ەكونوميكا، قارجى جانە مۇناي-گاز سەكتورى ماسەلەلەرىنە جەتەكشىلىك ەتەتىن ورىنباسارى بولدى.
2012-جىلدىڭ 20- قاڭتارىندا باتىس قازاقستان وبلىسىنىڭ اكىمى بولىپ تاعايىندالدى.
2016-2019-جىلدارى ارالىعىندا - اتىراۋ وبلىسىنىڭ اكىمى. 2019-جىلعى 18- جەلتوقسان - 2021-جىلعى 7- قىركۇيەككە دەيىن ەنەرگەتيكا ءمينيسترى بولدى.
2021-جىلدىڭ 7- قىركۇيەگىنەن باستاپ قازاقستان رەسپۋبليكاسى پرەزيدەنتىنىڭ جارلىعىمەن ماڭعىستاۋ وبلىسىنىڭ اكىمى بولىپ تاعايىندالدى.