16:44, 02 - جەلتوقسان 2022 | GMT +6
كەلەسى جىلى كۇنكورىس شەگى، تومەنگى زەينەتاقى مەن جالاقى مولشەرى قانداي بولادى
استانا. قازاقپارات - كەشە مەملەكەت باسشىسى «2023-2025-جىلدارعا ارنالعان رەسپۋبليكالىق بيۋجەت تۋرالى» زاڭعا قول قويدى، دەپ حابارلايدى قازاقپارات ءتىلشىسى.
وسىعان سايكەس، 2023- جىلدىڭ 1- قاڭتارىنان تولەم كورسەتكىشتەرى مىنا مولشەردە بەكىتىلدى:
ەڭ تومەنگى جالاقى مولشەرى - 60000 تەڭگە؛
بازالىق زەينەتاقى تولەمىنىڭ ەڭ تومەنگى مولشەرى - 21907 تەڭگە؛
ەڭ تومەنگى زەينەتاقى مولشەرى - 53076 تەڭگە؛
ەڭ تومەنگى كۇنكورىس دەڭگەيى - 40567 تەڭگە.
بۇدان بولەك، كەلەر جىلدىڭ باسىنان ايلىق ەسەپتىك كورسەتكىش مولشەرى وسەدى. بيىل ول 3180 تەڭگە بولسا، 2023-جىلى 3450 تەڭگە بولادى.
ال جاسىنا جانە ەڭبەك ەتكەن جىلدارى ءۇشىن زەينەتاقى تولەمدەرىنە جۇمسالاتىن قاراجات 2023-جىلدىڭ 1- قاڭتارىنان باستاپ 10,5 پايىزعا كوتەرىلەدى.