مينيستر كوروناۆيرۋستىڭ سەربەر شتامى ادامدارعا قالاي اسەر ەتەتىنىن ايتتى

None
استانا. قازاقپارات - دەنساۋلىق ساقتاۋ ءمينيسترى اجار عينيات قازاقستاندا انىقتالعان كوروناۆيرۋستىڭ «سەربەر» شتامىنىڭ ەرەكشەلىكتەرىن ايتتى، دەپ حابارلايدى قازاقپارات ءتىلشىسى.

«سەربەر - «وميكروننىڭ» ءبىر ءتۇرى. وميكروننىڭ تارالعان تۇرلەىنە قاتىستى مونيتورينگ جۇرگىزىپ، ولاردى انىقتاۋ بويىنشا جۇمىس جۇرگىزىپ جاتىرمىز. جالپى، تارالعان ۆيرۋستاردىڭ اراسىندا «سەربەردىڭ» ۇلەسى 0,5 پايىزدى قۇرادى. ادامدار بۇل ۆيرۋس شتامىن جەڭىل ەڭسەرىپ جاتىر»، - دەدى ا. عينيات سەناتتاعى ۇكىمەت ساعاتىنان كەيىن تىلشىلەر ساۋالىنا جاۋاپ بەرە وتىرىپ.

ءمينيستردىڭ ايتۋىنشا، بۇگىندە قازاقستاندا كوروناۆيرۋستىڭ سيمپتومسىز جاعدايلارى كوپ كەزدەسەدى.

«قازىرگى تاڭدا اۋرۋحانالاردا 100 ناۋقاس جاتىر. بۇلار نەگىزىنەن ەگدە جاستاعى، ەكپە الماعان، ۋاقىتىلى ەكپە الماعان ناۋقاستار. 10 ناۋقاس اۋىر حالدە»، - دەدى ۆەدومستۆو باسشىسى.

ەسكە سالا كەتەيىك، جاقىندا قازاقستاندا «سەربەر» شتامىنىڭ اينالىمى تابىلعانىن حابارلاعان ەدىك.

سوڭعى سەكۆەنيرلەۋ قورىتىندىسى بويىنشا رەسپۋبليكادا وميكرون BQ.1.1 (سەربەر) شتاممى نۇسقاسىنىڭ %0,5 اينالىمى انىقتالدى، %99,5 وميكرون شتامىنىڭ باسقا نۇسقالارى.

شتامم تەز جۇعۋىمەن ەرەكشەلەنەدى، الايدا اسا قاۋىپتى ەمەس.

سوڭعى جاڭالىقتار