اجار عينيات مەديتسينالىق العاشقى كومەك سەكتورىنداعى پروبلەمالاردى اتادى
بۇل تۋرالى بۇگىن سەناتتاعى ۇكىمەت ساعاتىندا دەنساۋلىق ساقتاۋ ءمينيسترى اجار عينيات ايتتى، دەپ حابارلايدى قازاقپارات ءتىلشىسى.
«مەملەكەت باسشىسىنىڭ تاپسىرماسى بويىنشا قازاقستان رەسپۋبليكاسىندا 2025 -جىلعا دەيىنگى «دەنى ساۋ ۇلت» ءاربىر ازامات ءۇشىن ساپالى جانە قولجەتىمدى دەنساۋلىق ساقتاۋ» ۇلتتىق جوباسى جۇزەگە اسىرىلۋدا. بۇل جوبا وتكەن جىلدىڭ ورتاسىنان كەيىن قابىلدانعان بولاتىن. ۇلتتىق جوبانىڭ نەگىزگى ماقساتى - 2027 -جىلعا قاراي ءومىر ءسۇرۋ ۇزاقتىعىن 75 جاسقا دەيىن ارتتىرۋ. قولجەتىمدى جانە ساپالى دەنساۋلىق ساقتاۋدى قامتاماسىز ەتۋدىڭ كەپىلى - كۇشتى جانە ءوزىن- ءوزى قامتاماسىز ەتەتىن مەديتسينالىق- سانيتاريالىق العاشقى كومەك قىزمەتى ەكەنى بەلگىلى. مەديتسينالىق- سانيتاريالىق العاشقى كومەك - بۇل حالىققا بارلىق مەديتسينالىق كومەكتى ۇيلەستىرۋگە ارنالعان قىزمەت»، - دەدى مينيستر.
اجار عينيات دەنساۋلىق ساقتاۋدىڭ وسى سەكتورىنداعى نەگىزگى پروبلەمالار رەتىندە ەمحانالاردىڭ ازدىعىن، ماتەريالدىق- تەحنيكالىق جاراقتاندىرۋدىڭ السىزدىگىن، عيماراتتاردىڭ قاتتى توزۋى جانە كادرلارمەن قامتاماسىز ەتۋدىڭ تومەندىگىن اتادى.
«ۇلتتىق جوبانى ىسكە اسىرۋ اياسىندا ءبىز مەديتسينالىق-سانيتاريالىق العاشقى كومەكتىڭ قولجەتىمدىلىگىن بارىنشا موبيلدىلىك پەن حالىقتىڭ كەڭ اۋقىمىنا قولجەتىمدىلىك جاعىنا قاراي جاقسارتۋ جونىندەگى ءىس-شارالار جوسپارىن بەكىتىپ، سول بويىنشا جۇمىس ىستەپ جاتىرمىز تىك جانە ىسكە اسىرىپ جاتىرمىز. قازىرگى ۋاقىتتا ەلدە 5 مىڭنان استام مەديتسينالىق- سانيتاريالىق العاشقى كومەك ۇيىم بار. بىلتىر قوسىمشا 30 مەديتسينالىق نىسان پايدالانۋعا بەرىلدى. بيىل 92 نىسان اشامىز دەپ جوسپارلاپ وتىرمىز. ونىڭ 80 ى اشىلدى»، - دەدى ول.