س ق و جاڭا اكىمى ءبىرىنشى جۇمىس كۇنىن پەتروپاۆلداعى اپات ورنىندا وتكىزدى

پەتروپاۆل. قازاقپارات - سولتۇستىك قازاقستان وبلىسىنىڭ اكىمى ايداربەك ساپاروۆ پەتروپاۆلدا سۋ جەلىسىندە بولعان اپات ورنىنا بارىپ جاعدايدى كوردى، دەپ حابارلايدى قازاقپارات ءتىلشىسى.

س ق و- نىڭ جاڭا اكىمى ايداربەك ساپاروۆتىڭ العاشقى جۇمىس كۇنى سىناقپەن باستالدى.

پەتروپاۆلداعى سۋ جەلىسىندە ءىرى اپات بولىپ، قالانىڭ بىرنەشە اۋدانى بىرەر ساعاتقا سۋسىز قالدى.

تۇندە ءوڭىر باسشىسى وسى سالاعا جاۋاپتى ورىنباسارى ءساتجان ابلاليەۆپەن بارىپ جاعدايدى كوزىمەن كوردى.

بۇل جايىندا الەۋمەتتىك جەلىدە اكىمنىڭ باسپا ءسوز قىزمەتى حابارلادى.

پەتروپاۆلدا ازىرگە سۋ بەرۋ تولىق قالپىنا كەلگەن جوق. اپات بولعان اۋداندا وتكەن تۇندە 15 كوپقاباتتى ءۇي مەن بىرنەشە الەۋمەتتىك جانە كوممەرتسيالىق نىساندار سۋسىز قالعان ەدى.

وقيعا ورنىندا اۆاريالىق بريگادا تۇنىمەن جۇمىس ىستەپ، التى ۇيدەگى جاعداي قالىپقا كەلدى. قازىرگى ۋاقىتتا 600 دەن استام ابونەنت سۋسىز وتىر.

«جوندەۋ جۇمىستارى ءبىر مينۋت تا توقتاعان جوق. اپاتتىڭ سەبەبى انىقتالادى. ازىرگە قۇبىردىڭ جارىلۋىنا ناقتى نە سەبەپ بولعانىن ايتۋ قيىن. ەكى قۇبىر قوسىلعان جەر سوگىلىپ كەتكەن. بۇل جەردە بىلتىر جوندەۋ جۇمىستارى جۇرگىزىلگەن ەدى. 100 ميلليون تەڭگەدەن استام قاراجات جۇمسالدى. ديامەترى 800 بولاتىن 308 مەتر قۇبىر اۋىستىرىلدى. شىعىن كولەمى ازىرگە بەلگىسىز. كەپىلدىك مەرزىمى اياقتالعان جوق. سوندىقتىن ءبىزدىڭ جانە تۇرعىندارداردىڭ شىعىنىن مەردىگەر كومپانيا وتەيتىن بولادى»، - دەدى «قىزىلجار سۋ» ج ش س باس ينجەنەرىنىڭ ورىنباسارى ەربول نابيەۆ.

ەستەرىڭىزگە سالايىق، پەتروپاۆلدا كەشە ساعات 18.00 شاماسىندا سۋ جەلىسىندە اپات بولىپ، قالا تۇرعىندارى سۋسىز قالعان ەدى.