شەت مەملەكەتتەر پرەزيدەنتتەرى توقايەۆتى سايلاۋداعى جەڭىسىمەن قۇتتىقتاپ جاتىر

استانا. قازاقپارات - قازاقستان رەسپۋبليكاسىنىڭ پرەزيدەنتى لاۋازىمىنا قايتا سايلاۋىنا وراي قاسىم-جومارت توقايەۆتىڭ اتىنا قۇتتىقتاۋ جەدەلحاتتارى كەلىپ ءتۇسىپ جاتىر، دەپ حابارلايدى قازاقپارات اقورداعا سىلتەمە جاساپ.

ب ۇ ۇ باس حاتشىسى انتونيۋ گۋتەرريش ءوز قۇتتىقتاۋىندا مەملەكەت باسشىسىنا ساتتىلىك تىلەپ، قازاقستان بىرىككەن ۇلتتار ۇيىمى مەن مۋلتيلاتەراليزمنىڭ اينىماس ءارى سەنىمدى جاقتاۋشىسى ەكەنىن اتاپ ءوتتى.

«مەن ورتاق مۇددەگە ساي كەلەتىن ماسەلەلەر جونىندە، سونداي-اق بىرىككەن ۇلتتار ۇيىمىنىڭ ورتالىق ازيا بويىنشا پريەۆەنتيۆتى ديپلوماتيا وڭىرلىك ورتالىعى مەن ۇيىمنىڭ قازاقستانداعى وكىلدىك توپتارى ارقىلى تىعىز قارىم-قاتىناستى جالعاستىرۋدى اسىعا كۇتەمىن. ب ۇ ۇ قازاقستاننىڭ قاۋىپسىزدىك، تۇراقتى دامۋ، ادام قۇقىعى مەن گەندەرلىك تەڭدىكتى ىلگەرىلەتۋ سالالارىنداعى جاھاندىق سىن-قاتەرلەرگە قارسى بىرلەسكەن ءىس-قيمىلدارعا قولداۋ ءبىلدىرىپ، مىندەتتەمەلەرىن ورىندايتىنىنا زور سەنىم بىلدىرەدى»، - دەپ جازىلعان جەدەلحاتتا.

بىرىككەن ۇلتتار ۇيىمىنىڭ 8-باس حاتشىسى، جاھاندىق جاسىل ءوسۋ ينستيتۋتىنىڭ اسسامبلەيا ءتوراعاسى پان گي مۋن دا قاسىم-جومارت توقايەۆقا قازاقستان پرەزيدەنتى بولىپ قايتا سايلانۋىنا وراي جۇرەكجاردى تىلەگىن جولدادى.

«قازاقستاننىڭ وڭىرلىك ماڭىزى مەن ءسىزدىڭ كوشباسشىلىق قاسيەتىڭىز جاھاندىق جاسىل ءوسۋ ينستيتۋتىنىڭ ايماقتىڭ تۇراقتى دامۋىنا ەلەۋلى ۇلەس قوسۋىنا مۇمكىندىك بەرەدى. «جاسىل» ءوسىم پەرسپەكتيۆالارىن ىلگەرىلەتىپ، الەمدىك قوعامداستىققا كليماتتاعى وزگەرىستەر سالاسىندا كوشباسشىلىق ۇلگىسىن كورسەتۋ جانە كەلەشەك ۇرپاققا عالامشارىمىزدى تازا قالپىندا قالدىرۋ ءۇشىن سىزبەن بىرگە جۇمىس ىستەۋگە نيەتتىمىز»، - دەپ جازعان پان گي مۋن.

سونىمەن قاتار مەملەكەت باسشىسىنا قۇتتىقتاۋ جەدەلحاتتارىن ەۋروپالىق كەڭەس پرەزيدەنتى شارل ميشەل، يران يسلام رەسپۋبليكاسىنىڭ پرەزيدەنتى يبراحيم رايسي، ساۋد ارابياسىنىڭ كورولى - قوس كيەنىڭ ساقشىسى سالمان بەن ابدۋلازيز ءال ساۋد، ساۋد ارابياسى كورولىنىڭ تاق مۇراگەرى - مينيسترلەر كەڭەسىنىڭ ءتوراعاسى مۇحاممەد بەن سالمان بەن ابدۋلازيز ءال ساۋد، يوردانيا كورولى ابداللا، قاتار ءامىرى ءتاميم بەن حاماد ءال ءتاني، قاتار ءامىرىنىڭ ورىنباسارى ابداللا بەن حاماد ءال ءتاني، قاتار پرەمەر-ءمينيسترى - ىشكى ءمينيسترى حالەد بەن حاليفا بەن ابۋلازيز ءال-ءتاني، كۋۆەيت ءامىرى ناۋاف ءال-احماد ءال-ءدجابير ءال-ساباح، ومان سۇلتانى حايسام بەن تاريق، پالەستينا پرەزيدەنتى ماحمۋد ابباس، مالديۆ پرەزيدەنتى يبراگيم مۇحامەد سوليح، ماجارستان پرەزيدەنتى كاتالين نوۆاك، ماجارستان پرەمەر-ءمينيسترى ۆيكتور وربان، پولشا پرەزيدەنتى اندجەي دۋدا، حورۆاتيا پرەزيدەنتى زوران ميلانوۆيچ، فينليانديا پرەزيدەنتى ساۋلي نيينيستە، نيدەرلاند كورولى ۋيليام-الەكساندر، اۆستريا پرەزيدەنتى الەكساندر ۆان دەر بەللەن، لاتۆيا پرەزيدەنتى ەگيلس ليەۆيتس، ليتۆا پرەزيدەنتى گيتاناس ناۋسەدا، ەستونيا پرەزيدەنتى الار كاريس، سلوۆاكيا پرەزيدەنتى زۋزانا چاپۋتوۆا، سلوۆەنيا رەسپۋبليكاسىنىڭ پرەزيدەنتى بورۋت پاحور، بولگاريا پرەزيدەنتى رۋمەن راديەۆ، سولتۇستىك ماكەدونيا پرەزيدەنتى ستيەۆو پەنداروۆسكي، كيپر پرەزيدەنتى نيكوس اناستاسياديس، ءۇندىستان پرەمەر-ءمينيسترى نارەندرا مودي، جاپونيا پرەمەر-ءمينيسترى فۋميو كيشيدا، كورەيا پرەزيدەنتى يۋن سوك ەل، سينگاپۋر پرەزيدەنتى حاليما ياكوب، رەسەي ۇكىمەتىنىڭ ءتوراعاسى ميحايل ميشۋستين، بۇۇ وركەنيەتتەر اليانسىنىڭ جوعارى وكىلى ميگەل انحەل موراتينوس، ر ف فەدەرالدىق جينالىسى مەملەكەتتىك دۋماسىنىڭ ءتوراعاسى ۆياچەسلاۆ ۆولودين، ماسكەۋ جانە بۇكىل رەسەي پاتريارحى كيريلل، يەرۋساليم پاتريارحى فەوفيل، شانحاي ىنتىماقتاستىق ۇيىمىنىڭ باس حاتشىسى چجان مين، ە ق ى ۇ از ۇلتتار ءىسى جونىندەگى جوعارعى كوميسسارى قايرات ءابدىراحمانوۆ، ازىق-تۇلىك قاۋىپسىزدىگى جونىندەگى يسلام ۇيىمىنىڭ باس ديرەكتورى ەرلان بايداۋلەت، تۇركسوي باس حاتشىسى سۇلتان رايەۆ، ورتا ازيا كاتوليكتىك ەپيسكوپتارى كونفەرەنتسياسىنىڭ ءتوراعاسى، ەپيسكوپ حوسە لۋيس مۋمبيەلا-سيەررا، دۇنيەجۇزىلىك ەكونوميكالىق فورۋمنىڭ نەگىزىن قالاۋشى، پروفەسسور كلاۋس شۆاب جانە باسقالار جولدادى.