ريددەردە ۇيلەر قايتا سۋىپ كەتتى

وسكەمەن. قازاقپارات - شىعىس قازاقستان وبلىسى ريددەر قالاسىندا ۇيلەر قايتا سۋىپ كەتتى، دەپ حابارلايدى قازاقپارات ءتىلشىسى.

1- جەلتوقسان كۇنى ريددەر تۇرعىندارى پاتەرلەرىندە جىلۋدىڭ قايتا ازايىپ كەتكەندىگىنە شاعىمدانعان. توتەنشە جاعداي جونىندەگى جەدەل شتاب وكىلدەرى مۇنىڭ سەبەبىن ءتۇسىندىردى.

«جىلۋ ەلەكتر ورتالىعى سۋدى گروموتۋحا وزەنىنەن الادى. وزەندەگى «لەنينوگورسك» سەس ۋچاسكەسىندە قابىرشاق مۇز جينالۋىنا بايلانىستى وسىنداي جاعداي بولىپ وتىر. ريددەر تۇرعىندارى بۇل تابيعي قۇبىلىستى بۇرىننان جاقسى بىلەدى. وزەندى تازارتۋ بويىنشا بارلىق قاجەتتى جۇمىستاردى سەس قىزمەتكەرلەرى جۇرگىزىپ جاتىر. جاعداي تۇراقتانىپ كەلەدى»، - دەلىنگەن اقپاراتتا.

قازىر ورتالىقتاعى 2,3№ جانە 6-ءۇش قازاندىق جۇمىس ىستەپ تۇر. جۇيەدە تەمپەراتۋرا 60 گرادۋسقا دەيىن كوتەرىلدى. ءتورتىنشى جوعارى قىسىمدى قازاندىقتا بارلىق تەحنيكالىق جۇمىستار جۇرگىزىلدى، ول قوسىلۋعا دايىن.

«جۇرتشىلىقتان تۇسىنىستىك تانىتىپ، سابىر ساقتاۋدى سۇرايمىز. ماماندار ج ە و- دا تاۋلىك بويى جۇمىس ىستەپ جاتىر. ولار جىلۋ ەلەكتر ورتالىعىنىڭ اگرەگاتتارىن قالىپقا كەلتىرۋ ءۇشىن بارلىعىن جاساۋدا»، - دەلىنگەن حابارلامادا.

ەسكە سالساق، 5- قاراشا كۇنى ساعات 20.00 دە ريددەردەگى ج ە و- دا كۇل شىعارۋ جۇيەسىندەگى سورعى ىستەن شىعىپ، 1№ قازاندىق اگرەگاتىنىڭ قوسالقى جابدىعى اپاتتى جاعدايدا اجىراتىلعان بولاتىن. سونىڭ سالدارىنان 22 مىڭنان استام ابونەنت ءۇشىن جىلۋ بەرۋ ازايتىلدى.

توتەنشە جاعدايعا بايلانىستى قالاداعى مەكتەپ وقۋشىلارى 11- قاراشاعا دەيىن قاشىقتان وقىدى.

10- قاراشا كۇنى ريددەردەگى جىلۋ ەلەكتر ورتالىعىندا تاعى دا اپات بولدى.

14- قاراشادا جىلۋ ەلەكتر ورتالىعىن قالپىنا كەلتىرۋ جۇمىستارى كەستەگە ساي ءجۇرىپ جاتقانى حابارلاندى.

سونداي-اق جىلۋ ورتالىعىنداعى قازاندىقتاردى جوندەۋگە رەسەيلىك ماماندار تارتىلعان بولاتىن.